Home Cultura Fundacion Bernadina Growell-Kock cla pa e Parada Cultural diadomingo awor

Fundacion Bernadina Growell-Kock cla pa e Parada Cultural diadomingo awor

47
0
SHARE
- Advertisement -

ORANJESTAD (AAN): Fundacion Bernadina Growell Kock ta extende palabranan di felicitacion na tur dama, gran dama, dama grandi, dama folklore, damitanan, prendanan y chikitin cultural cu a participa y esnan cu a ser elihi pa dirigi e gran parada cultural den Bario di Brazil diadomingo 1 di september.

Masha pabien ta bay pa e siguente personanan/hobennan.

Baby Cultural: Lysanne Ras, representando Grupo di Zenovia;
Chikitin Cultural: Ivy Anne Bryson, representando Fundacion Bernadina Growell Kock;

Prenda Cultural: Elizien Antersyn, representando Fundacion Bernadina Growell Kock;

Damita Cultural: Eydilienne Nicolaas, representando: Fundacion Bernadina Growell Kock;

Dama Cultural: Genisha Angel, representando Fundacion Bernadina Growell Kock;

Gran Dama Dulsura: Antonia Hilario, representando Grupo di baile Danza Aruba;

Gran Dama Folklore: Giannine Wester Orman, representando: Fundacion Bernadina Growell Kock;

Gran Dama Cultural: Jesselyne Winklaar-Odor, representando: FCCA Fundacion Cas Pa Comunidad Arubano, conhuntamente cu Popcorn Dancers;

Dama Grandi Folklore: Lilian Koolman-Besselink, representando Fundacion Bernadina Growell Kock;

Dama Grandi Cultural: Ortencia Werleman, representando: Grupo di Baile Dabaruida y Fundacion Rosea Cultural y Pilar Cultural Aruba 2019: Aura Maybelline Arends-Croes.

Fundacion Bernadina ta felicita fundacion Chico Harms y Centro di Bario Brazil pa e tremendo organizacion di e eleccion di dama y damitanan. Pabien alavez na John Freddy Montoya pa decoracion di un bunita stage cu a refleha diferente ingrediente di nos cultura y pa preparacion di tur participante y choreografia.

Palabranan di gratitud ta ser dirigi na señora Lilian Besselink, Dama Grandi Folklore, y su famia cu a sabi di prepara show y train 6 candidata cu a representa Fundacion Bernadina Growell-Kock.

Danki alavez na señora Lena Orman-Yarzagaray y su querido esposo Jo cu a regla tur cos pa participantenan di nos fundacion.

Fundacion kier gradici nos 6 representanan di curazon esta señora Lilian Koolman-Besselink, señora Gianine Wester-Orman, juf. Genisha Angel, Edylienne Nicolaas, Elizien Antersyn, tambe Ivy Anne Bryson.

Danki-danki-danki. Pabien tambe na FCCA pa nan gran espectaculo durante eleccion y nan bunita y talentoso Gran Dama saliente Jesselyne Winklaar-Odor.

Hunto cu FCCA e fundacion lo presenta den parada y ta gradici FCCA, Janelly y Jesselyne pa e confianza.

Fundacion ta expresa cu door di participacion como tal nos cultura y folklore ta keda bibo tanto den grandi como den nos hobennan y ta worde transmiti di generacion pa generacion. E fundacion ta invita tanto vecindario como henter Aruba pa join of bin presencia e bunita parada  aki.

- Advertisement -

DUNA COMENTARIO

Please enter your comment!
Please enter your name here