Home General Fundacion Telefon pa Hubentud ta hayando bon acogida cu proyecto “TPH den...

Fundacion Telefon pa Hubentud ta hayando bon acogida cu proyecto “TPH den bo bario”

45
0
SHARE
- Advertisement -

Shurman Milliard ta splica:

ORANJESTAD (AAN) – Fundacion Telefon pa Hubentud kier ta mas cerca di e comunidad pa asina splica e ciudadanonan kico ta e servicionan cu nan ta brinda.

Den entrevista cu sr. Shurman Milliard, Trahador Social di e Fundacion, a menciona cu nan ta organizando e proyecto “Telefon pa Hubentud den Bo Bario” ya pa dos aña consecutivo den e periodo di vacacion grandi.

Na a bishita ocho diferente bario den e distritonan y a papia cu e adultonan pa laga nan sa ki servicio FTPH ta duna. Pero no solamente den vacacion nan ta haci esaki, sino durante henter e aña.

Sinembargo den vacacion, nan sa cu tin hopi hende cu no ta bay ningun caminda, cu nan ta keda den nan cas, y pesey nan ta bishita e diferente barionan pa asina papia cu  ciudadanonan den nan mes ambiente.

Asina nan ta genera mas confianza, y ta mustra cu pa e fundacion e confidencialidad ta hopi importante y anonimato, y tambe e confianza cu e comunidad tin den e fundacion.

Pesey FTPH ta bay papia cu famianan den nan mesun cas, sinta den nan cura laga nan sa cu nan tey pa tur e hobennan na Aruba.

El a reitera cu nan ta bay den bario papia cu e adultonan, pero e muchanan ta haya hopi charla na scol y den diferente evento cu nan ta haya.

Shurman Milliard a trece dilanti loke nan ta experiencia den e bishitanan aki den bario, durante vacacion, y esaki ta cu nan ta topa cu hopi hende di edad grandi cu ta take care di muchanan den nan cas, sea di nan famia pero tambe yiu di bisiñanan. Tin cu ta take care hasta di 8 mucha den e cas.

Tambe mamanan soltero cu no tin trabao y ta keda cuida nan yiunan na cas, y ademas yiu di otro famia. Esaki ta algo positivo, naturalmente, pero FTPH kier pa nan haya yudanza di e fundacion tambe.

Nan ta duna informacion na e manera aki, ya cu e ta importante den e veld social, pasobra por ta e personanan aki no tin manera pa yega te e Oficina di e Fundacion pa haya e yudanza cu nan mester. Nan a topa cu un mama di 9 yiu cu no tin manera pa yega cerca e fundacion den bus.

Fundacion Telefon pa Hubentud ta acerca e otro fundacionnan concerni manera FADA, of Departamento di Asunto Social, incluso SABA pasobra nan ta ripara cu tin hopi hende grandi cu ta nan so y no tin yudanza. El a subraya cu no tur fundacion ta haci e trabao aki durante vacacion pero FTPH si, y pesey nan ta yuda na e manera aki riba e veld social na e personanan cu ta wordo lubida un tiki.

Sr. Milliard a subraya cu e fundacion ta hopi contento di wak e bon acogida cu nan ta haya door di adultonan den e comunidad durante e bishitanan den bario. E ta haya hopi satisfaccion ora e hendenan ta bise cu nan ta conoce via programanan di television, y cu e muchanan ta conta nan cu nan a haya charla di Telefon pa Hubentud riba un of otro tema.

Nan kier haci campaña na e manera aki pasobra den e 20 añanan di existencia di e fundacion, ainda tin adulto cu ta bias cu FTPH ta contra nan, cu nan ta bisa cu tur mucha tin nan derecho di haci cualkier cos. Y ora nan ta drenta den nan cas y splica kico tur e fundacion ta haciendo pa comunidad, nan ta wordo ricibi cu man habri.

 

 

- Advertisement -

DUNA COMENTARIO

Please enter your comment!
Please enter your name here