Home Deporte Futbolista di RCA cu a haya golpi riba Diasabra anochi a ser...

Futbolista di RCA cu a haya golpi riba Diasabra anochi a ser manda urgente pa Colombia

2127
0
SHARE
- Advertisement -

ORANJESTAD (AAN): E wega di ABC Cup cu a tuma lugar Diasabra anochi na Compleho Deportivo Guillermo P. Trinidad, a finaliza cu algun hugada masha brutal mes, y unda hopi hende a mira cu intencionalmente e hungador di team di Scherpenheuvel di Curacao, a dal un futbolista di RCA, esta Walter Bennett.

E golpi duro aki a pone e futbolista lesiona cay abao di dolor, y e casi a start un pelea entre e dos team, debi na e agresion di e hungador Curasoleño, cu a actua comosifuera e ta orguyoso di e golpi cu el a caba di suministra.

E lesion a resulta di ta hopi serio mes!  E futbolista a wordo transporta pa Hospital, unda a saca X-Ray y a descubri cu su kaak a kibra.  E tin dos fractura.

Esey a pone cu Specialistanan a dicidi pa manda e futbolista di RCA, urgentemente pa Hospital na Colombia, unda nan ta specializa den e tipo di cirugia aki.

E golpi y lesion aki, a pone un nubia scur riba e weganan di ABC Cup, cu tin mas bien un meta pa drecha lazo di deportivismo entre e islanan.

E team di RCA a gana Scherpenheuvel cu score di 4-1 den extra-time.

DIARIO ta desea e futbolista Bennett, tur cos bon y pronto recuperacion.

- Advertisement -

DUNA COMENTARIO

Please enter your comment!
Please enter your name here