ORANJESTAD (AAN): Diasabra awor tin Parada di Lanterna na Aruba!
Un di e gruponan tipico cu tambe ta participa, lo ta Grupo “Un Brindis”. E integrantenan ta Vicente Croes (fundador, director y harmonica di boca), Joselito Croes (director musical, piano y lead), Chelito Dirks (cuatro, cantante), Elton Loefstok (timbal y drum, cantante), Roland (Coco) Vries (congas, coro), Gilbert (Gibi) Croes (tambu y percusion), Hubert (Ibi) Ras (baho, cantante), Roland Jansen (cantante, percusion chikito).
Grupo Tipico “Un Brindis” a haci un suplica na publico, y tambe na pueblo di Aruba, pa acudi na e fiestanan Cultural di Brazil fin di luna aki.
Lo bay tin Parada di Lanterna awe Diabierna 30 di Augustus venidero, saliendo pa 7:00 pm for di Centro di Bario Brazil. Como un ora prome, autoridad lo cera e ruta.
Tambe lo bay tin Parada Cultural riba Diadomingo 1 di September pa 3:00 pm. Atrobe nan ta pidi pueblo pa bin sostene cultura. Corda cu e ruta lo worde cera for di banda di 1:00 pm caba, y e parada lo sali di Centro di Bario Brazil.
