Home Hudicial Homber cu a hinca otro cu cuchio riba beach mester duna cuenta...

Homber cu a hinca otro cu cuchio riba beach mester duna cuenta den Corte 

121
0
SHARE
- Advertisement -

Casonan penal ta cuminsa un djis

ORANJESTAD (AAN):  E tempo di receso di Corte di Husticia ta cabando y aki dos siman casonan penal ta cuminsa. Un di e casonan cu lo wordo trata e luna aki ta e caso penal cu Ministerio Publico a cuminsa contra e homber Dominicano M.B., kende ta wordo acusa di a hinca e homber G.d C. riba beach.   

HINCA HOMBER CU CUCHIU

Na April 2019 e sospechoso M.B. a presenta den sala di Corte di Husticia y e acusacion cu Fiscal a presenta den Corte contra di M.B. ta, intento di asesinato riba 15 December 2018, subsidiario intento maltrato severo, mas subsidiario maltrato cu arma. M.B. a hinca e homber G.d C. cu un cuchiu den su banda robez bao di su cocodek.

Fiscal a bisa cu e caso ta pro forma pasobra no tin lugar riba e schedule pa trata casonan penal. El a bisa Hues cu di parti di M.B. a pidi pa scucha dos testigo pero no por a haya esakinan. Ademas el a bisa pa check su cellular pero door cu e no a duna e code corecto, no por a haci esaki tampoco.

Fiscal a propone na Hues pa pospone e caso pa 23 Augustus 2019 pa 8.30 di mainta. 

VICTIMA A HACI DEMANDA

Ta asina cu e victima G.d C. tabata den sala di Corte y por a mira con M.B. tabata keda mira G.d C. Hues a puntra G.d C. si e kier haci demanda di daño. El a duna e traductor e documentonan cu mester yena cu e demanda. Despues el a bisa Hues cu e no ta worry cu e caso sino cu su bida. El a bisa Hues ta un bida so bo tin. Hues a lesa cu G.d C. ta demanda 15 mil florin di daño. 

PIDI PA SOSPECHOSO BAY LIBER

Representante di abogado mr. Falconi a pidi Hues pa laga M.B. liber pendiente su caso. El a bisa cu e no ta mira cu lo por castiga M.B. pa intento di asesinato y tampoco intento di maltrato severo.

M.B. mes a bisa Hues cu e no tin abogado. El a bisa Hues cu nunca un abogado a bishit’e na KIA y ta promer vez cu e ta mira e abogado. E ta haya cu a haci cosnan inhusto cun’e. El a bisa cu e no a ataca G.d C. El a bisa cu ta G.d C. a atak’e di lomba y e ora ey a pasa loke a pasa. Segun M.B., tin dos testigo cu a mira cu G.d C. a atak’e. El a bisa cu e no conoce G.d C. y no tin problema cu G.d C. El a bisa Hues pa check e antecedentenan di G.d C. Hues a hala M.B. su atencion riba esaki. Por a mira cu G.d C. a reacciona di biaha. El a expresa, laga nan check. El a lanta para, lanta su camisa y mustra unda M.B. a hink’e cu cuchiu y a expresa cu loke M.B. a haci no tin pordon. 

FISCAL TA REACCIONA

Fiscal no tabata di acuerdo pa M.B. bay liber. El a bisa Hues cu tin motibo di peso. Na opinion di Fiscal, tin testigonan cu a mira cu M.B. a hinca G.d C. El a mustra cu na Hues Comisario M.B. a bisa cu el a defende su mes contra G.d C. Fiscal a mustra cu na 2016 caba tabatin un caso caminda M.B. a hinca hende y eynan tambe el a usa e excusa di a defende su mes. Fiscal a pidi Hues pa rechaza e peticion di abogado. Fiscal ta haya cu e chens cu algo asina ta ripiti ta grandi pasobra M.B. ta pasa man liher pa cuchiu. Hues a mustra cu den pasado, na 2016, M.B. a wordo condena pa intento di asesinato.

SOSPECHOSO TA KEDA SERA

Hues su decision tabata cu e ta rechaza e peticion pa laga M.B. liber. El a bisa cu e ta haya cu tin motibo di peso. Hues a bisa cu durante tratamento di e caso lo bay mira si enberdad M.B. a actua den defensa propio, manera M.B. ta bisa. Hues a pospone e caso pa 23 Augustus 2019 pa 8.30 di mainta. DIARIO lo ta pendiente pa e caso aki y pa informa lectornan tur loke a sosode den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here