Home Policial Hubilarionan special honra door di Cuerpo Policial Aruba

Hubilarionan special honra door di Cuerpo Policial Aruba

372
0
SHARE
- Advertisement -

ORANJESTAD (AAN): E siman cu a pasa, Cuerpo Policial Aruba a haci diferente entrega di decreto gubernamental. Un celebracion un bez mas pa diferente persona cu a yega un etapa largo y exitoso den nos organizacion policial.

Den presencia di Minister di Husticia Andin Bikker, Alto comisario di polis Sr. Andrew Hoo, famia, colega y amigonan presente a haci entrega di e decreto. Un totaal di 9 persona a ricibi nan decreto cu ta varia di 25, 30, 40 aña y tambe promocion.

A celebra 25 aña di hubileo di Señora Gabrielle B. Vis (Bedrijfsmaatschappelijke Werker).

Esnan cu a cumpli 30 aña di hubileo: ta Jacgueline E. Morel (Senior Medewerker BIV), Mireilla N. Cabral (Specialist Centrale Post), Eric H. Barry (Coördinator JZP), y Jose G. Lacle (Coördinator Communicatie Voorlichting & Preventie)

Esun cu a cumpli 40 aña di hubileo ta Sherman V. Libiee (Coördinator Centrale Post)

Tambe tabatin promocion di Vianney G.N. Coffie, awor di Agent 1ste klasse pa Brigadier.  Tambe a promove Jessysay A. Werleman di Onderhoudsmedewerker B District III pa Onderhoudsmedewerker A.  Tambe a promove Angel M. Quant di Onderhoudsmedewerker B District IV pa Onderhoudsmedewerker A.

Pa celebra un etapa largo di 25,30 y 40 aña ta bin cu curashi, perseverancia y determinacion. Aruba por ta orguyoso di tin agente policial educa y profesional cu ta sirbi nos pais

Masha Pabien na cada un persona cu nan hubileo y tambe na e personanan cu a haya nan promocion masha pabien! Cuerpo Policial Aruba ta percura pa e isla tin agentenan  y personal administrativo cu ta eherce nan trabao na un nivel profesional.  Comunidad por ta orguyoso cu e isla tin agentenan cu ta stima nan profesion y ta haci esaki cu hopi amor y dedicacion. Un cos ta sigur cu Aruba su seguridad ta semper na halto, cuida y protehi pa polis nan educa y  profesional.

- Advertisement -

DUNA COMENTARIO

Please enter your comment!
Please enter your name here