Home General Keto bay tin bagamunderia pasando anochi den Santana di Paradera

Keto bay tin bagamunderia pasando anochi den Santana di Paradera

284
0
SHARE
- Advertisement -

ORANJESTAD (AAN): Mainta ora cu esnan cu ta encarga cu Santana Catolico na Paradera bay haci control, nan ta bolbe topa cu cosnan ridiculo eyden benta dilanti grafnan, y tambe resto di sanger di bestia plama tur caminda riba murayanan.

E ta sigui socede, y a cuminza bira un molester.  Pa motibonan di posiblemente supersticion, hendenan ta pasa riba e caya pazuid di Santana di Paradera, y ta zwaai y tira saco, caha, y demas obhetonan raro over di e cura, pa asina nan cay paden.

Loke tin mas durf, ta cu nan ta hasta bay paden di e Santana y haci e fechoria aki.  E lo por ta algo cu kizas ta bruheria, pero e saconan aki ta contene cosnan masha peculiar mes poni hunto, y hopi biaha tin animal morto aden.  Parecido na un tipo di sacrificio haci cu e animalnan aki, cu hopi biaha ta un gai cu a ser mata.

E tipo di saconan aki cu contenido, sa aparece na otro Santana tambe na Aruba.  Pero awor ta parce cu esun di Paradera a bira un tipo di drive-thru, unda nan ta djis pasa cu auto, y zwaai esaki over di e cura.  Algun ta cay paden, y otronan ta djis dal na e muraya y keda eybao benta.  E holor di animal bomba ta plama den full e area.

Parokia di Paradera tin un comision cu ta percura pa Santana keda netchi y ordena ultimo temponan.  Pesey nan ta suplica esnan cu ta zwaai e cosnan aki over di muraya, pa stop di haci esey.  Ningun hende den e area ta kere den bruheria, y den e epoca moderno aki, e ta hasta birando algo cu ta bay for di moda y ta perdiendo popularidad.

 

- Advertisement -

DUNA COMENTARIO

Please enter your comment!
Please enter your name here