Home Enseñanza Les pa tur studiante di EPI ta cuminza Diamars 20 di Augustus...

Les pa tur studiante di EPI ta cuminza Diamars 20 di Augustus pero lesa esaki prome

77
0
SHARE
- Advertisement -

Apertura di aña escolar 2019-2020 na Colegio EPI

ORANJESTAD (AAN): Colegio EPI ta den su proceso di prepara pa e apertura di aña escolar 2019-2020 y pa es motibo ta comparti e siguiente informacion importante pa tur studiante nobo y existente.

Na momento cu un aplicante a cumpli cu tur rekisito academico, a paga nan schoolgeld, y ta  acepta oficialmente como studiante nobo, e lo haya notificacion door di e unidad specifico na unda el a aplica. Si esaki no a pasa ainda of e aplicante mes a dicidi pa un otro opcion cu no ta EPI, nos ta recomenda pa e tuma contacto lo mas pronto posibel cu e unidad specifico unda el a aplica. Areglo di pago pa cu schoolgeld ta posibel y por haci esaki na e departamento Financiero na EPI mes di dialuna pa diabierna di 9:00 a.m. – 3:00 p.m.

Riba e dianan 13 y 14 di augustus 2019 ta obligatorio pa tur studiante nobo (promer aña di tur programa) como tambe esnan cu ta ripiti e promer aña pa bin EPI y yena un “Intake Formulier”. E lugar unda e yenamento digital lo sosode ta na nos edificio di OLC (Open Leercentrum). Tur studiante lo mester meld ariba e fecha y durante e orario indica na e balie di OLC pa asina haya instruccion di e proceso pa yena e “Intake Formulier”. E yenamento digital di e “Intake Formulier” ta tuma entre 15 – 25 minuut pa complet’e.

   Diamars 13 di augustus 2019:

  • Unidad Economia di 8:00 AM- 9:45 AM.
  • Unidad Ciencia y Tecnologia di 10:00 AM – 11:45 AM.

   Diaranzon 14 di augustus 2019:

  • Unidad Salubridad y Servicio di 8:00 AM- 9:45 AM.
  • Unidad Hospitalidad y Turismo di 10:00 AM- 11:45 AM.

Riba Diahuebs 15 di augustus 2019 lo reparti entre otro roosters, studenten handleiding, programa academico pa e aña escolar, y otro informacion relevante. E programa pa cada unidad ariba e fecha aki ta como lo siguiente:

   Unidad Ciencia y Tecnologia:

  • Tur studiante (nobo y ripitiendo) di promer aña di tur programa lo mester ta den Auditorium pa 9:00 a.m.
  • Ta spera tur studiante di e di dos aña y e di cuater aña di tur programa pera pa 10:00 a.m. den diferente klaslokaal na e unidad cu nan mentor.

   Unidad Economia:

  • Tur studiante (nobo y ripitiendo) di promer aña di tur programa lo mester ta den Auditorium pa 8:00 a.m.
  • Tur studiante di e di dos, tres y cuater aña di tur programa ta spera nan pa 9:00 a.m. na e unidad.

   Unidad Salubridad y Servicio:

  • Studiantenan (nobo y ripitiendo) di promer aña di tur programa ta spera nan pa 9:00 a.m. na e unidad.
  • Studiantenan di e di dos, tres y di cuater aña di tur programa ta spera nan pa 1:00 p.m. na e unidad.

    Unidad Hospitalidad y Turismo:

  • Registracion di tur studiantenan (nobo y ripitiendo) di promer aña pa e programanan Hospitality Management y Culinary Arts – 10:00 a.m. – 1:00 p.m.
  • NOTA – Studiantenan di e di dos y tres aña di tur programa ta registra ariba 19 di augustus di 9:00 am. – 4:00 p.m.

Riba Diabierna 16 di augustus 2019 lo no tin school como cu EPI su staf y personal completo lo ta participando den un personeelsdag.

Riba Dialuna 19 di augustus 2019 lo no tin les pa studiantenan di e di dos, tres y cuatro aña di tur programa di tur unidad, como cu tur studiante di promer aña (nobo y ripitiendo) di tur programa lo ta bezig cu “Intake Gesprekken” na tur unidad. Tur studiante di promer aña lo ricibi informacion di nan unidad specifico referente na e orario di “Intake Gesprekken”.

Lesnan pa tur studiante lo cuminsa oficialmente ariba Diamars 20 augustus 2019.

Di parti di nos tur na Colegio EPI nos kier a desea tur studiante nobo y existente un cordial bon bini na aña escolar 2019-2020. Cu sabiduria, compromiso y determinacion acompaña cada un di boso pa por finalisa e aña escolar cu exito!

- Advertisement -

DUNA COMENTARIO

Please enter your comment!
Please enter your name here