Home Comentario Ley nobo pa subi exigencia enfermeria na Hulanda

Ley nobo pa subi exigencia enfermeria na Hulanda

67
0
SHARE
- Advertisement -

Aruba mester atende exigencianan nobo den Cuido Medico

*Avancenan rapido den mundo medico ta exigi actitud nobo

*Ley nobo ta pone enfermeria na estudionan academico

ORANJESTAD(AAN)–Na Hulanda problemanan serio ta surgi a base di un ley nobo pa ahusta e exigencianan den enfermeria. Intencion di e ley aki ta pa subi e nivel di enfermeria y adapta cuido cu e personal di enfermeria ta duna na e exigencianan nobo cu mundo medico ta presenta.

Informantenan riba e tereno di Salud Publico a duna di conoce na DIARIO cu durante Siglo 20, ciencia medico a desaroya na un forma impresionante. El a nifica tambe cambio den e exigencianan na e diferente grupo di profesionalnan.

E importancia pa for di momento cu un problema medico presenta tin personal competente presente pa actua, a subi e exigencia den preparacion di personanan cu ta labora den e sector medico.

Na Hulanda na e momentonan aki tin hopi preocupacion cerca miles di enfermero cu hopi aña di experencia y cu ta exigi pa deshaci di e ley nobo pa enfermeria. E ley nobo ya haci un distincion entre enfermero cu a studia na nivel di MBO (Educacion Profesional na nivel Mediano) y enfermero cu a studia na nivel di HBO cu ta cay bou di estudionan mas halto.

E ley aki mester subi e calidad di trabou den enfermeria y a wordo presenta dor di gobierno, sindicatonan, dunadonan di trabou y representantenan profesional.

A bira conoci cu solamente un parti limita di personal actual den enfermeria ta cualifica pa e funcion nobo. Mayoria den enfermeria lo mester sigui nan estudio pa “regieverpleegkundige” .  Personal den cuido cu ta traha riba ambulance tin miedo cu nan no ta cualifica mas ora e ley aki drenta na vigor.

E introduccion di e ley na Hulanda ta nifica cu Aruba lo mester contesta e reto den adaptacion di su maneho pa trata di pone e nivel di su cuido medico na nivel internacional.

Informantenan a mustra DIARIO, cu Siglo 21 a trece hopi clasificacion nobo den mundo medico y di enfermeria internacional. Pa cumpli cu e demanda den exterior por ehempel tin diferente grado nobo den cual graduadonan den medicina ta participa.

Informacionnan ta mustra cu Aruba ta enfrente un reto nobo cu e desaroyo na Hulanda. Arubianonan cu kier labora den e campo di cuido na Hulanda mester tene cuenta cu e desaroyonan.

Na mes momento Aruba mester cuminsa anuncia kico e ta haci.

Importante ta cu e opinion general ta, cu mester adapta Aruba un maneho mas dirigi riba exigencianan.

No por ta posibel cu atencion ta continuamente na un edificio cu mester tabata di cinco strea, pero no ta yega ni e prome strea den practico. Discusionnan cu no ta cumpli cu e reto grandi di cuido medico y enfermeria mundial y ta keda circula den limitacionnan mientras mester bay adapta cuido medico.

Informantenan ta considera sumamente importante pa Aruba haya guia internacional, manera na varios ocasion DIARIO a trece dilanti.

E desaroyo na Hulanda ta indica cu Cuido Medico ta bay exigi pasonan continuo pa elevacion di e sector mas importante di bienestar humano.

DIARIO lo sigui informa Aruba riba e topico importante aki.

- Advertisement -

DUNA COMENTARIO

Please enter your comment!
Please enter your name here