Home arte y espectaculo Malu Trevejo hunto cu Jeon a lanza videoclip graba na Aruba

Malu Trevejo hunto cu Jeon a lanza videoclip graba na Aruba

66
0
SHARE
- Advertisement -

ORANJESTAD (AAN): Durante luna di Juli cu a pasa, grabacion di e videoclip “Hace Calor” a worde haci na Aruba, y esaki a bay hopi rapido y den un corto tempo.  El a ser haci cu un team local di produccion.

“Hace Calor” ta un cancion produci door di e idolo local Jeon, kende porcierto tambe a canta aden hunto cu conocido artista Malu Trevejo.

Esaki no ta e prome biaha cu Malu Trevejo ta di bishita na Aruba.

Reclight Productions cu ta dirigi dor di Edward Silberie hunto cu e producer Boneriano Allesio Felix, den un record di tempo a logra e videoclip aki, y lo principal ta cu e ta enfoca y highlight partinan di Aruba.

E Videoclip nobo aki ta trece pa dilanti un vibe di celebracion y seguramente tin un bon acohida caba internacional.  DIARIO a compronde cu Diabierna dia 9 Augustus 2019 el a wordo lanza riba Youtube.

Aruba ta sumamente orguyoso di Jeon, kende ta treciendo un coriente magnetico pa Artistanan di exterior, pa cual ta realizando nan produccionnan musical na Aruba cu teamnan local di Aruba tambe.

Reclight Productions a publica riba social media un agradecimento grandi na tur su sponsorsnan y e team completo cu cada un voluntario cu a haci un trabao di excelencia! Sin cada un di nan e produccion masivo aki no por a worde realiza.

Te cu Diaranzon anochi, e videoclip aki tin 417.000 views.

- Advertisement -

DUNA COMENTARIO

Please enter your comment!
Please enter your name here