Home Policial Medida temporal:  Mobile Command Center di Polis cu boom camera sofistica ta...

Medida temporal:  Mobile Command Center di Polis cu boom camera sofistica ta vigilando na KIA

432
0
SHARE
- Advertisement -

ORANJESTAD (AAN): Siman pasa por a scucha comentario den tur skina, relaciona cu e hecho cu den cuatro luna di tempo, un total di 5 preso a logra huy na Aruba.

Cuatro for di Prison di KIA, y uno for di Warda di Polis na Macuarima.

E ultimo escape tabata di e rumannan Jorge y Joander Martinez riba Diahuebs madruga cu a pasa.  E dos hobennan aki ta hopi peligroso, y profesionalnan di Reclassering a skirbi na Huez pa bisa cu e duo aki no tin ningun clase di respet pa comunidad.

Weekend a pasa, y ainda ningun rastro di e dos personanan aki, cu a huy for di Prison di KIA na forma spectacular.  Como cu KIA no tin ningun guardia ni francotirador den e Torennan (afgekeurd), nan por a bula via muraya na nan antoho.

Toch DIARIO tin di raporta, cu algo a wordo haci na KIA, y Ministerio di Husticia a confirma esey den fin di siman.

Nan a splica cu a pone extra medida di seguridad na Prison di KIA, entre otro a staciona e Mobile Command Center di KPA cu tin sistema adicional di camera sofística riba boom, a pone patruyanan di KPA adicional y tambe algun toren di luz potente pa mas iluminacion.

Dialuna lo cuminsa un proceso di Request di Expresion of Interest adicional pa haya un sistema di tracking di prisonero conoci como “Inmate tracking system through Radio Frequency Identification (RFID)”, cu lo yuda monitor e presonan via un systema technologico avansa cu ta worde usa na Merca y rond mundo.

Mientras tanto e procesonan pa renoba e infrastructura deteriora lo sigui acceleradamente, mientras ta sigui encamina e proceso inicia pa por yega na un facilidad nobo pa KIA.

Si acaso abo a mira e duo aki un caminda, un suplica ta bay na yama Tipline di Polis na 111-41, of contact Central di Polis urgente na telefon 100.

 

- Advertisement -

DUNA COMENTARIO

Please enter your comment!
Please enter your name here