Home Gobierno “Motibo principal di e escape aki ta e deterioro di e infrastructura...

“Motibo principal di e escape aki ta e deterioro di e infrastructura di e prison cu nos a hereda”.

27
0
SHARE
- Advertisement -

Minister di Husticia:

ORANJESTAD(AAN): Diahuebs Minister di Husticia Andin Bikker durante un conferencia di prensa a papia riba e escape di 2 preso for di KIA.

El a indica cu lamentablemente comunidad di Aruba ta den shock un biaha mas, ora cu a sali na cla cu marduga dos preso hoben a scapa for di prison.

Mirando esaki, e mandatario Diahuebs mainta mesora a sinta cu full e team di e diferente servicionan cu tin di haber cu KIA, esta CEA, Seguridad Nacional, KPA, Ministerio Publico y e management team di KIA.

“Mi no ta bay mucho den detaye, pero mi ta constata si cu motibo principal di e escape aki ta e deterioro di e infrastructura di e prison cu nos a hereda”.

“E tin decadanan caba y den e ultimo 8 añanan aki tabata tin diferente reto pa loke ta trata mantencion y lamentablemente hopi biaha a aloca fondonan no na e camindanan unda cu esaki mester a bay pa loke ta mantencion y eingelijk den mi concepto basta tempo caba mester a cuminza cu construccion di un prison nobo”.

Esaki segun Bikker, kende a sigui bisa cu constantemente el a señala e retonan aki, unda cu un di e prioridadnan mester ta un prison nobo.

E mandatario un biaha mas a menciona kico tur el a pidi pe, pa purba yega na esaki.

“Nos a ripara lamentablemente cu den e casonan di escape famia y amigonan ta yuda e fugitivonan y pesey nos ta enfatiza cu un persona cu yuda otro persona scapa of mantene scondi, por haya un castigo di prison te cu 4 aña”, segun Bikker, kende a indica cu ya caba el a bin cu un propuesta nobo pa cambia e castigo aki di 4 pa 8 aña.

Pa loke ta e castigo extra cu un persona tin cu sinta si e dicidi di scapa, e minister a indica cu ta pensando pa introduci un castigo di te cu 8 aña.

Esaki ta bay ta algo nobo pa e sistema Hulandes di castigo.

“Un di e partidonan, VVD,  tambe a vocifera cu nan kier un cambio den e ley actual cu ta regarda escape di prison”.

“Na Hulanda ta asina cu si bo scapa di prison y nan hayabo bek, bo no ta bin na remarke pa sinta 2 tercera parti di bo castigo, sino bo tin cu sinta full e castigo”.

“Tambe e preso ta haya un castigo disciplinario.

“Belgica tambe kier bin cu mas castigo pa esnan cu scapa of purba scapa for di prison”, segun e mandatario, kende a indica cu na Merca y Canada etc., ya caba tin castigonan adicional pa un persona cu scapa of purba scapa di un prison.

Bikker a splica tambe cu ta bay aplica un metodo unda cu lo pone banchi electronico di enkel riba presonan cu ta wordo considera hendenan cu por hasi un intento di huida.

“Si nan purba scapa mes, nan no por yega mucho leu”, segun e minister.

- Advertisement -

DUNA COMENTARIO

Please enter your comment!
Please enter your name here