Home Policial Muher di Aruba perdi na Leiden a wordo haya na Amsterdam

Muher di Aruba perdi na Leiden a wordo haya na Amsterdam

1332
0
SHARE
- Advertisement -

ORANJESTAD (AAN): Desde 11 di Augustus 2019, un monton di informe a circula tanto na Hulanda como na Aruba, di un dama naci na Colombia pero biba na Aruba, cu a perde na Hulanda.

E storia ta cu Diasabra mainta e muher Mira Florez Sanabria di 54 aña di edad a subi bus na Leiden-Zuidwest pa bay centro di ciudad y cumpra un smartphone.  Di eynan e no a wordo mira mas.

Mesora a cuminza cu un buskeda tur caminda, y a hasta entrega informe na Polis di Leiden riba e asunto aki.  Pero pa Polis e caso no tabata urgente.  Via social-media na un forma fabuloso, centenares di hende a yuda comparti e foyeto di buskeda di e dama.  Hasta Gobierno di Aruba a mustra interes den e caso aki.

   MUHER WORDO HAYA:

Informacion nobo cu a circula Diabierna den dia, ta cu e muher Mira Florez a wordo haya na Amsterdam.  Tur cos ta mustra cu e mes a escoge pa move bay Amsterdam.

Asina e ta confirma e publicacion di e emisora Omroepwest na Hulanda, cu a entrevista e vocero di Polis di Leiden.

Vocero Yvette Verboon di Politie Leiden, a bisa cu nan tabatin indicacion cu e muher Mira Florez mes tabatin deseo di bandona Hulanda.

Cu ken e muher Mira Florez a wordo haya na Amsterdam, y tambe na ki area exacto, no a wordo divulga.

Famia tambe a pidi comunidad pa duna nan un chens, pa respeta nan privacidad pa por sobrepasa e etapa amargo aki den nan bida.  Esey ta algo comprendible.  Principalmente e bon noticia ta cu e muher Mira Florez Sanabria ta bon di salud.

- Advertisement -

DUNA COMENTARIO

Please enter your comment!
Please enter your name here