Home General Neishi di corupcion y crimen Citgo ta rementa

Neishi di corupcion y crimen Citgo ta rementa

166
0
SHARE
- Advertisement -

Dirigente nobo di Citgo lo mester atende caso civil Marisol Gomes

*Sucesor Asdrubal Chavez mester coopera cu investigacionnan pisa

*Mundo ta prepara pa e climax y Aruba den estado total di alerta

ORANJESTAD(AAN)– Manera DIARIO  a adverti semper, Citgo lo bira e centro di e situacion na Venezuela, cu segun informantenan clave di DIARIO, mester wordo yama awor un guera civil.

Te awor no tin un confrontacion militar debi na e hecho cu esaki lo nifica inmediatamente un confrontacion internacional. Bista di mundo ta fiha riba loke ta pasa na Venezuela despues cu Nicolas Maduro a perde mando total riba Citgo cu ta mas cu su baca di lechi.

Pa Citgo por a entrega placa bruto na regimen di Nicolas Maduro, crimen serio a wordo cometi segun testigonan cu a admiti culpabilidad den e casonan criminal cu Corte na Merca y otro paisnan liber ta investiga.

Un di e resumennan di loke tabata pasa na Citgo cu Hues na Merca tambe lo mester bay atende ta e caso civil cu Marisol Gomes a entama contra Citgo pa e haya compensacion pa e daño cu el a sufri ora el a haya su retiro pasobra e no kier a coopera cu e grupo di Nelson Martinez, un di e fiel bishitantenan di Aruba cu ta wordo persigui pa husticia pero tambe un persona clave den e negociacionnan entre Aruba y Citgo.

Marisol Gomes ta duna den e documentonan cu el a entrega y Corte di Merca mester trata, un relato extenso di relacion entre Citgo y narcotrafico entre otro.

E caso di Marisol Gomes cu awor lo ta un pastor Evangelico na Merca, ta wordo mira como un apertura pa a base di loke bini dilanti den Corte na Merca, autoridad criminal Mericano por actua contra cabesantenan di Citgo.

Cu entrada di e CEO di Juan Guaido, cu asina definitivamente a hala Asdrubal Chavez for di caminda, casonan criminal tambe mester wordo atendi dor di e compania cu mester yuda autoridad Mericano haya pista directo di placanan cu a pasa pa medio di Citgo pa alimenta bienestar personal di miembronan di regimen Maduro.

E CEO nobo mester responde na nomber di Citgo e acusacionnan serio di Marisol Gomes, cu tabata tin un puesto ehecutivo na Citgo na Merca despues di hopi aña den servicio di PDVSA prome y despues cu Chavez a yega na mando.

Informantenan a indica na DIARIO cu e situacion ta sumamente serio. E avance di Guaidó cu Citgo, pa cual mester yega na un solucion financiero manera DIARIO a indica, ta bay rementa e neishi di corupcion y crimen Citgo segun informantenan clave y lo haci imposibel pa regimen Maduro por scapa su mes di wordo persigui y encarcela dor di autoridadnan na diferente pais na mundo pa casonan di criminalidad.

DIARIO ta pendiente tur desaroyo na Venezuela pero tambe ta sigui vigila e medidanan serio di siguridad nacional di Aruba, caminda placa di Citgo a yega di un forma of otro y segun acusacion hasta a perde.

E informacionnan aki a bini di grupo Guaidó cu awor tin un CEO di su banda pa rementa e centro di operacion Chavista na Merca.

- Advertisement -

DUNA COMENTARIO

Please enter your comment!
Please enter your name here