Home Salud No tin excuus pa no haci ehercicio 30 minuut so di e...

No tin excuus pa no haci ehercicio 30 minuut so di e 1440 cu un dia tin

33
0
SHARE
- Advertisement -

Dra. Sandra Mahecha: “Exercise is Medicine”

ORANJESTAD (AAN) – Departamento di Salubridad Publico (DVG) Dialuna ultimo a yama un conferencia di prensa, den cual a elabora riba e simposio cu lo tuma lugar mañan, Diabierna 16 di Augustus, den Renaissance Convention Center, tocante e programa “Exercise is Medicine”.

Matutino DIARIO a duna cobertura na e conferencia di prensa aki, den cual dr. Steven Croes di IBISA y dr. Maritza Ordoñez docter consehero di VGD a hiba palabra, y a splica ampliamente tocante e tema y e simposio.

Un di e invitadonan special na e ocasion aki ta dra. Sandra Mahecha di Brasil, Medico Deportologo, cu ken DIARIO tabata tin un entrevista.

E specialista a splica cu Exercise is Medicine ta un iniciativa di e “Colegio Mericano di Medicina di Deporte” na Merca cual ta e principal Institucion Cientifico cu ta duna e guia y recomendacionnan pa e ehercicio fisico pa salud.

Na aña 2010 el a lanza e programa mundial “Exercise is Medicine” cu ta hustamente esun cu ta incentiva tur e profesionalnan den salud. Nos ta den e cinco continentenan, den mas di 40 pais.

E meta ta pa e docternan y demas profesionalnan di salud por evalua e actividad fisico di e pacient, recomenda esaki, of remiti e pacient na un lugar unda e por haci e practica di ehercicio of actividad fisico.

“Nos ta mira ehercicio y actividad fisico como un signo vital. Mescos cu e pacient ta wordo midi su presion arterial, frecuencia cardiaco, su peso y temperatura, nan lo mester midi tambe con activo of no activo e persona ey ta, y con bon su condicion fisico ta, pasobra esaki ta un parametro mes importante cu nos presion arterial”, dra. Mahecha a splica.

Dra. Mahecha a menciona cu nan iniciativa  aki na Aruba ta sensibiliza e profesionalnan tocante e beneficio di e ehercicio fisico regular, mustra cu ta posible incorpora e actividad fisico den e rutina diario, inclusive den un isla asina chikito manera Aruba y cu hopi calor, pero cu tin tur e condicionnan pa haci esaki.

Mas bien no tin excuus pero si hopi mas razon medico y no medico pa haci ehercicio. E ta bon pa salud, pa e cerebro, pa e mente y ta preveni mas cu 25 malesanan cronico.

E specialista a comenta cu e excuus principal na henter mundo di e hendenan cu ta haci ehercicio ta, cu e ta falta di tempo. Un dia tin 24 ora cu ta 1440 minuut di cual solamente ta pidi 30 minuut pa haci actividad fisico. Kiermen no ta asina compleho.
Ademas e 30 minuut aki no mester ta continuo.

E por ta 10 minuut mainta, 10 minuut merdia y 10 minuut despues di trabao.

E miho y mas democratico opcion cu tin, ta canamento. Pasobra e ta un movemento natural cu no ta exigi habilidad, equipo, conocemento; pues practicamente canamento no ta exigi ningun preparacion, y e ser humano ta traha pa cana.

Landamento, bicicleta, balia y cualkier actividad fisico cu move e hendenan ta mihor cu nada.

Dra. Mahesa a comenta cu esaki ta e lucha cu e grupo cu ta promove e programa aki tin, pasobra cada bez e hendenan ta move menos y ta pasa mas tempo sinta,  mientras cu cada paso y cada minuut ta conta.

- Advertisement -

DUNA COMENTARIO

Please enter your comment!
Please enter your name here