Home Enseñanza No tur scol por cuminza cu nan les Diahuebs di e siman...

No tur scol por cuminza cu nan les Diahuebs di e siman aki!

99
0
SHARE
- Advertisement -

Minister di Enseñanza ta splica e motibo:

ORANJESTAD (AAN) – Minister di Enseñanza sr. Rudy Lampe, den conferencia di prensa di gobierno Dialuna, a duna di conoce cu no tur scol lo por cuminza nan les Diahuebs di e siman aki, na apertura di Aña Escolar 2019-2020.

Den dos articulo DIARIO ta completa e declaracion aki di e mandatario, unda el a splica e motibo pa cual no tur scol por cuminza les na apertura di aña escolar, y cu e cabezantenan ta encarga di yama e mayornan y pone nan na haltura di esaki.

E dignatario a splica cu durante e vacacion aki, hopi trabao di mantenimento y drechamento a wordo haci simultaneamente na diferente scol, pero no tur cos ta den man di gobierno.

Como ehemplo, e mandatario a splica cu si e doño di un trailer cu mester a remove esaki, cu ya a wordo afgekeurd caba, pero e no a hacie na tempo, gobierno no por continua cu e trabao na tempo, tampoco. Factornan asina a causa cu na diferente scol nan ta trahando hasta den fin di siman. E mandatario a menciona cual ta e casonan y unda kizas por logra y unda no.

REINA BEATRIX SCOL, e parti ubica na YMCA na Dakota. Esaki pasobra den pasado mester a parti e scol den dos grupo, un na Seroe Blanco y e otro na Dakota, debi na e pesimo estado di e edificio original. A traha den e fin di siman cu a pasa pa remove e trailer pa pone un modular na su lugar pa traha un klas eynan. Nan ta trahando duro, y e maestronan tambe ta cooperando y ta spera cu pa Diahuebs awor scol por cuminza, pero den caso cu e lo no ta posible lo avisa e mayornan.

SCOL DORNA SOL: Pa e scol aki tin tur preparacion ta tumando lugar, e klasnan modular a wordo poni, y ta bezig cu e mudamento. Intencion tabata pa Diahuebs tur bin cla, pero e cabesante a avisa e mayornan cu no por cuminza les Diahuebs ainda, pasobra e trabaonan ainda no ta cla.

FUSION Boer Peterboer Kleuterchool cu Fontein Kleuterschool: E mandatario a splica cu a fusiona ambos scol preparatorio aki, ubica na San Nicolas, y e modularnan ta poni caba, y ta spera cu e siman aki keda cla cu e verfmento y un ke otro cu mester wordo drecha ainda. Aki tambe e cabesante lo avisa e mayornan cu les lo no cuminza Diahuebs di e siman aki, sino despues.

COLEGIO SAN NICOLAS: Gobierno ta bezig ta drecha e edificio di IBISA, cu ta bay bira parti tambe di uso di localnan pa Colegio San Nicolas. Ta trata di tres local nobo. E ta spera cu e klasnan keda cla pronto pa e lesnan por cuminza.

COLEGIO SN DEPENDANCE: Encuanto e dependance pa Colegio San Nicolas den Centro di Bario Dakota, Minister a recorda cu esaki ta debi cu tin hopi mas alumno ta bay HAVO e aña aki, segun minister su maneho, a habri un dependance provisional na Centro di Bario Dakota. Esey ta bay bira e base despues pa e HAVO nobo di Noord, cu gobierno a priminti den su acuerdo di gobernacion. Ta bay build up e proyecto aki y aki tambe varios trabao mester wordo haci. Aki les ta cuminza Dialuna 19 di Augustus.

 

- Advertisement -

DUNA COMENTARIO

Please enter your comment!
Please enter your name here