Home Religion y Espiritualidad Nobena Nacional: Yamada pa coronan y demas cantantenan forma un “Coro Nacional”

Nobena Nacional: Yamada pa coronan y demas cantantenan forma un “Coro Nacional”

13
0
SHARE
- Advertisement -

ORANJESTAD (AAN): Manera ta tradicion di tur aña tur parokianan di Aruba, bow guia di Vicario Andres a uni forza pa duna nos patrona stima Santisima Vigen Mama Maria di Alto Vista un bunita homenahe.

E Novena Nacional lo cuminsa dia 28 di september y tur dia un parokia ta na turno. Esaki ta tuma lugar na Kapel di Alto Vista mes, cuminsando pa 5:30’or di atardi tur dia.

Dia 7 di October ta e fiesta Nacional, cu participacion di tur parokia y ta e motibo ey un suplica ta bay na tur coro, cantantenan, esnan cu ta kere cu nan tambe por canta pa uni forza pa forma un coro Nacional pa e dia aki.

E training di tur coronan y esnan interesa pa participa ta cuminsa diaranzon awor 21 di augustus pa 7:30’or pm den Club San Martin na Santa Cruz. E coro Nacional lo ser dirigi pa señor Mirto Tromp, mientras cu e parti musical ta bow direcion di señor Igmar Maduro.

E programa y otro detayenan lo keda splica e anochi aki.

Tambe musiconan cu ta interesa pa coopera y participa ta keda cordialmente invita.

Conhuntamente nos lo bay duna nos Mama Celestial stima, nos Patrona, Santisima Virgen di Alto Vista, un bunita y mahestuoso homenahe.

Fielnan ta keda invita pa participa, corda cu pa henter pueblo di Aruba nos Virgen di Alto Vista ta hopi stima. Nos tur sea pa hiba nos peticion o gratitud ta bishita Kapel di Alto Vista.

- Advertisement -

DUNA COMENTARIO

Please enter your comment!
Please enter your name here