Home Comercio Ocho negoshi a cera nan porta den Caya Grandi

Ocho negoshi a cera nan porta den Caya Grandi

2742
0
SHARE
- Advertisement -

Marjorie Vermeer-Luidens cu suplica na gobierno pa haci algo:

ORANJESTAD (AAN) — E comerciante  Marjorie Vermeer-Luidens, a sigui elabora den entrevista cu DIARIO tocante e situacion penoso den Caya Grandi, unda e ta considera cu comercio ta muriendo.

E dama comerciante a referi na AREA cu ta un asociacion lanta pa Prome Minister Evelyn Wever-Croes, pa maneha Caya, atrae inversionistanan y wak con ta haci full e pakete y elimina e burocracia cu ta un punto cu pa añanan ta existi. Tur esey a wordo haci, pero AREA nunca a funciona, pasobra e comercio no sa di dje.

Sra. Vermeer a menciona cu ora nan a tende cu tin un meneer Wilson cu a bezig cu e BID, nan a cuminza puntre y por fin nan a haya confirmacion cu e ta cla y cu awor mester wordo presenta.

Y via e entrevista aki sra. Marjorie Vermeer a trece e siguiente mensahe pa Minister Presidente: “ Señora Evelyn, nos minister presidente, por fabor bisa nos unda nos ta para, ki dia señora ta bin afo bisa nos ‘esaki tin pa boso, nos ta bay traha hunto, esaki nos ta bay haci’. Vermeer ta puntra prome minister kico tin, cuanto dia mas falta.

“Nos ta yegando 1 di September; como comerciante, September ya ta un deadline pa prepara pa bo high season cu ta Pasco”, e dama a señala.

El a comenta cu comercio no ta prepara e temporada halto di Pasco. Tin solamente mas comerciantenan cu ta “huy” prome cu e temporada aki cuminza pa wak si nan ta sobrebibi. “Kico nos ta bay haci cu e inversion grandi aki? E ta un producto asina bunita cu ta parti di e atraccion pa Aruba”.

E mantenimento di Caya tambe a bay atras. Por mira con e matanan ta muri.

El a menciona tambe cu den pasado e comerciantenan mes tabata puntra pa e caya keda habri te 9’or. E ta kere cu si nan tur uni man nan tin un competencia contra e mallnan den ciudad cu no ta den Caya, y automaticamente mas hende ta keda den Caya. Pero no tin confianza, tur hende ta sinta tene man di otro, y nan ta bay muri hunto. Asina sra. Vermeer a mira e situacion di comercio den Caya Grandi.

“Nos ta bay perde un atraccion asina bunita cu ta e curazon di Aruba, cu ta nos downtown, nos Caya Grandi, nos Caya Betico”, sra. Vermeer a subraya.

“Mi kier a pidi personalmente, sra. Evelyn, nos minister presidente, por fabor yama nos, trece loke bo tin, no ta importa si falta un stempel of un stampia riba dje, mi mes ta buske na postkantoor, please yuda nos cu e tiki cu tin pa nos ‘pick up the pieces’ y nos sigui. Pasobra e comerciantenan cu si nan ta wak un oportunidad nan lo hinca nan placa. No yuda nos cu mester baha huur, di mes e lo baha, di mes e lo bin, pero mester bin accion”, sra. Vermeer a subraya.

E ta bolbe bisa pakico Prome Minister no ta yama e comerciantenan. Sr. Wilson a bise sorry, cu su trabao a termina, y cu el a entrega e plan na gobierno y awor ta keda den su man pa tuma e stap. E kier sa si AREA ta existi of no.

“Yuda aworaki pa wak si podise nos ta stop di muri. Por fabor bin dilanti y bisa nos kico gobierno tin y den kico nos por yuda”, sra. Marjorie Vermeer-Luidens a remarca.

Finalmente el a duna di conoce cu ultimamente ocho negoshi a cera nan porta. Nan a pone esaki den nan chat.

- Advertisement -

DUNA COMENTARIO

Please enter your comment!
Please enter your name here