Home Parlamento Parlamentario Richard Arends a regla su propio posicion, salario y beneficionan como...

Parlamentario Richard Arends a regla su propio posicion, salario y beneficionan como director financiero di RdA

1041
0
SHARE
- Advertisement -

Edgard Vrolijk a presenta documentonan cu a keda secreto

*Ganando salario comodo di 22.375 florin pa luna

ORANJESTAD (AAN):  Durante e tratamento di e situacion financiero di Gobierno di Aruba pa loke ta trata e prome mitad di aña, parlamentario Edgard Vrolijk a trece informacion y documentonan supuestamente cu a keda secreto y scondi pa no solamente Gobierno di Aruba pero tambe pa pueblo di Aruba.

Documentonan cu ta mustra con Parlamentario Richard Arends a regla su propio posicion cu un salario bastante halto cu varios beneficio riba dje.

E documentonan ta mustra cu desde 1 di november 2016 pa casualidad net 14 dia prome cu el a huramenta como Minister el a firma e contract di trabao aki. Y sigur ora a bay wak e geloofsbrief di sr Richard Arends nunca el a declara cu e ta traha na RdA como director Financiero.

Hunto cu Minister Mike de Meza, Richard Arends a wordo nombra como Director Financiero di RDA ganando un salario comodo di AWG. 22.375 pa luna. Hunto cu e salario halto aki, señor Arends a regla entre otro; vakantie uitkering; “bashi premie”; y un najaarspremie di cada un di 3000 florin, telefoon + representatie + brandstof toelage na balor di 1050 pa luna, un auto di compania di balor AWG. 80.000 y cu cada 3 aña mester ser cambia; Seguro di pensioen cu ta ser paga pa e compania y un seguro di bida balora na di AWG. 750.000; Seguro medico adicional pa eerste klas p’e y su famia.

Y sigur e punto mas importante ta cu pa manda sr Arends cas mester pague su salario pa 5 aña incluyendo tur beneficio y door cu e no ta zomaar iemand e mester haya 25% y lo yega den alrededor di 2.6 miyon pa por mande cas.

“Esaki ta kiebro grandi di integridad y p’esaki sr Richard Arends y sr Mike de Meza mester tuma nan retiro di biaha y pa esaki mañan lo mi percura pa por pasa un mocion pa pidi nan retiro pero si nan tin tiki dignidad nan mes mester tuma nan retiro paso parlamento pero pueblo su cara ta na berguensa y sigur esaki ta un biaha mas muestra cu Gabinete Eman 1 y 2 ta nada mas cu un gang di mafioso y sinberguensa”, Vrolijk a expresa.

- Advertisement -

DUNA COMENTARIO

Please enter your comment!
Please enter your name here