Home Parlamento Parlamentario Wyatt-Ras ta di opinion cu ehecucion di plan social no ta...

Parlamentario Wyatt-Ras ta di opinion cu ehecucion di plan social no ta bay na un forma transparente

26
0
SHARE
- Advertisement -

ORANJESTAD (AAN):  Parlamentario Mervin Wyatt-Ras a desea exito y forza na tur mucha y hoben cu a cuminsa nan aña escolar/estudiantil nobo.

E parlamentario a compronde cu varios studiante cu viaha pa Hulanda pa studia no a haya un camber ainda. E ta spera cu gobierno pone prioridad na crea condicionnan necesario pa e studiantenan por cuminsa cu nan estudio na un manera positivo.
Wyatt-Ras ademas a comenta encuanto di e reunion publico cu tabatin den Parlamento den cual a discuti e uitvoeringsrapportage of mihor bisa e entradanan y gastonan di presupuesto 2019.

“Despues cu nos fraccion a haci un peticion pa ricibi rapport di CAft y nos no a haye nos no a tuma parti na e reunion. Nos no kier ta parti di e fiesta, e politikeria, cu ta tuma lugar paso ta bin papia yen di cos y na momento cu ricibi e rapport di CAft lo ripara cu e situacion ta totalmente diferente. Pesey mes fraccion di Avp a pidi e rapport pa nos tin un reunion un solo vez. E ministro presidente a contesta cu ora e rapport aki ta cla, e lo bin bek parlamento pa duna nos informacion. Ban spera cu ora nos pidi tal reunion esaki lo ser yama tambe. Paso hopi biaha nos fraccion ta pidi reunion sin embargo e reunionnan no ta ser yama”.

E parlamentario ta lamenta tambe cu durante e reunion a trece un asunto cu ta regarda colega Richard Arends padilanti cu ta atacha su credibilidad y su integridad.

E ta kere cu ora bo haci esey y bo no tin prueba palpable y mesun colega di nos fraccion na e mesun momento a clarifica tur cos a trece dilanti su punto di bista y cu ta mira cu ta politikeria ta wordo haci Wyatt-Ras ta haya cu e minister presidente mester trek su palabranan bek y si ela haci un investigacion e mester bin cu tur e pruebanan.

Wyatt-Ras ta haya cu como gobierno bo mester sa kico bo ta papia di dje promer cu trece esaki padilanti. Pero ya ta usual caba cu e ministro presidente aki ta ganja y inventa. Pero den e caso aki e mester bin cu su pruebanan. Segun Wyatt-Ras e sucedido por pasa cu cualke un di nos tambe. Un persona por djis inventa algo y atacha bo integridad y ta costa tempo pa drecha e imagen ey.

Pa loke ta trata e plan di crisis social por bisa cu a ricibi e rapport di segundo kwartaal durante comienso di reunion. E plan ta encera 16.8 miyon florin. Di e suma 28% a ser uza y 39 persona a ser nombra.

Di otro banda por tuma nota cu tin un cantidad di instancia den e plan cu no ta conta cu sosten di gobierno. Nan lo mester cumpli cu rekisitonan mientras e gobierno aki a crea un crisis y a priminti tur e instancianan cu nan lo bay haya mas placa pa ehecuta nan proyectonan. Pero no ta cumpliendo cu promesanan. Esey ta critica cu nos ta haya.

Pa loke ta trata e plan aki na ningun momento gobierno no a bin parlamento cu e instancianan cu nos por scucha nan y haya nan opinion. Kico nan ta pensa en realidad di e plan y su ehecucion. E minister ta presente di e forma cu tin un miembro di parlamento den e comision unda nan ta dicidi ken ta haya placa y that’s it. Pesey mes Wyatt-Ras ta di opinion cu ehecucion di e plan no ta transparente. Pesey mes e ta desea como parlamentario y persona cu a traha den sector social unda sector social nunca a haye den politikeria y semper a traha habri y transparente y ne momentonan aki e ta haya cu nan tambe tin derecho y nan voz mester por conta. E instancianan tin derecho di haya e suma cu gobierno a priminti nan.

Paso e gobierno aki a priminti shelo y tera pero no ta cumpli. Kizas e placa ta mucho hopi y no sa con pa uze y envez cu ta invirtie den gruponan di necesidad ta uze pa yuda friends and family. Si ta 28 % di e placa so a wordo uza por bisa cu no tabatin echt un crisis. Tabatin un “fake crisis”. Y hopi hende ta wordo nombra kizas cu e placa aki.

Segun Wyatt-Ras mester trata e crisisplan den un sesion special. Caft tin critica riba crisisplan pero awor cu e ley nobo di Caft no a keda firma dor di gobernador, awor ta e protocol cu gobierno sin consulta cu parlamento a firma esey ta conta. Aki e rol di parlamento a ser uitgeschakeld dor di propio parlamentarionan ignorante di coalicion. Pesey awor ehecucion di e plan lo cai mas bao di presion.

 

- Advertisement -

DUNA COMENTARIO

Please enter your comment!
Please enter your name here