ORANJESTAD (AAN): Parokia Santa Filomena den conexion cu 70 aña di parokia lo tene un celebracion cu nos grandi- y enfermonan cu cooperacion di miembronan di Legion di Maria y boluntarionan, cu lo tuma lugar diasabra 17 di Augustus.
E actividad ta hiba e tema: Un bida pa duna testimonio. E actividad ta cuminsa cu un Santo Sacrificio di Misa pa 9’or di mainta cu huntamento di azeta bendiciona na Misa Santa Filomena. E miembronan di Legion di Maria lo ricibi e grandinan y enfermonan na porta di misa pa yama nan bonbini.
E idea di Hubileo pa nos grandi y enfermonan ta pa duna nan un rato ameno cu otro. Pa duna oportunidad na nos grandi y enfermanan di parokia pa bini hunto den un programa cu ta dedica especialmente pa nan, pa nan comparti cu otro loke nan conoce experencia di parokia.
