Home Enseñanza Por maneha e problema di sexualidad y uso di droga door di...

Por maneha e problema di sexualidad y uso di droga door di educa e mucha for di tempran

111
0
SHARE
- Advertisement -

Segun Minister Lampe, via lesnan na scol:

ORANJESTAD (AAN)—Durante e ronda di pregunta den conferencia di prensa cu Minister di Enseñanza sr. Rudy Lampe, wordo menciona e situacion cu tin den diferente scol door di usamento di marihuana bao algun alumno.

Esaki ta un situacion cu hopi mayor preocupa, pero ta conoci cu e asunto aki tin atencion di varios docente tambe.

E pregunta na e minister ta si e ta na haltura di esaki, y si ta asina, con e ta manehando e problema aki.

E mandatario a menciona cu adiccion ta un problema general den nos sociedad, y mester cuminza cu educacion enberdad. El a señala e problema di mamanan adolescente: muchanan muher bao di 16 aña, cu ta sali na estado mientras cu nan ta alumno di scol ainda.

E minister ta haya cu mester deal cu e asunto aki door di duna educacion sexual. Tambe tin e problema di abuso di mucha cu tambe mester cuminza educa na scol pa deal cune.

E mandatario a subraya cu pesey a introduci na scol un serie di les pa preveni abuso di mucha empodera e muchanan con nan tin cu haci den cierto situacionnan pa bisa NO y preveni cu nan ta bira victima di abuso.

Esaki ta via educacion; pues, duna les na scol riba e aspecto aki. Esaki tambe ta conta pa educacion tocante droga. Mester educa e mucha for di chikito kico ta nifica uso di droga y kico su impacto riba e curpa ta.

Pesey gobierno a desaroya material cu ta bay sigui cu e training pa e maestronan, pa loke ta trata e temanan di educacion sexual y educacion tocante droga, pa educa e mucha for di tempran.

- Advertisement -

DUNA COMENTARIO

Please enter your comment!
Please enter your name here