Home Enseñanza “Prenchi di Bijbel” ta bira e buki di texto pa cuminza SAM...

“Prenchi di Bijbel” ta bira e buki di texto pa cuminza SAM den prome klas scol preparatorio

179
0
SHARE
- Advertisement -

Minister Rudy Lampe:

ORANJESTAD (AAN) – Manera ta conoci, e aña escolar 2019-2020 a cuminza cu introduccion di e Scol Aubano Multilingual (SAM), den e prome aña di tur scol preparatorio, y esaki ta nifica cu  Papiamento ta bira, oficialmente, Idioma di Instruccion.

Den conferencia di prensa di gobieno, Dialuna, Minister di Enseñanza, Ciencia y Desaroyo Sostenible dhr. Rudy Lampe, a reitera esaki, y el a presenta e Buki “Prenchi di Bijbel” cu ta e buki di texto y esun di mas importante cu ta bay wordo utiliza den e prome aña, den tur scol preparatorio.

E Buki “Prenchi di Bijbel” ta skirbi specialmente pa mucha di 4 pa 7 aña, pero diferente persona a bisa e mandatario cu adultonan tambe por uza e buki aki pasobra “ken no ta gusta lesa un buki cu un imagen bunita banda di dje?”, e dignatario a expresa. E mandatario a reitera cu esaki ta bay ta e buki di mas importante dentro di e plannan pa e Scol Arubano Multilingual.

Minister Lampe a agrega cu mayoria di nos pueblo ta Cristian, pero e buki aki tambe ta bay wordo uza den scolnan publico, pasobra e Bijbel ta e buki mas lesa y mas famoso den e historia di humanidad.

“Y si bo ta creyente of no, Cristian of no, ta importante pa bo sera conoci cu e buki aki. Hopi di nos dichonan ta proveniente di Bijbel”, e mandatario a indica.

Minister Lampe a agrega cu e ta sigur cu e maestronan y nan alumnonan, mirando e beyeza di e buki aki ta bay haci bon uso di dje. E ta convenci cu e muchanan ta bay disfruta di e buki aki.

E dignatario a informa cu e personanan cu a traduci e buki aki di Hulandes pa Papiamento cu ta Juffrouw Swinda Maduro-Schwengle y Juffrouw Selvia Lumenier, kendenan tambe tabata invita den e conferencia di prensa, y a hiba palabra.

“Nan a haci un trabao extraordinario y a bin cu e idea pa traducie na Papiamento di Aruba. Normalmente, e Bijbel cu hopi di nos sa uza ta Papiamento cu ortografia di Corsow. Cas di Bijbel a braza e idea aki, y e ora ey a apoya e iniciativa y aworaki por presenta e buki aki”, Minister di Enseñanza a señala.

E minister a comenta cu e buki aki a wordo adapta na Corsow, unda el a sali caba, pero den e caso aki Aruba a tuma e iniciativa. E mandatario a felicita e dos traductornan cu e tremendo trabao aki, cu a keda edita na un forma masha bunita mes.

PRESENTACION OFICIAL:

Minister Rudy Lampe a expresa cu tur buki mester di un presentacion oficial, y Prenchi di Bijbel lo wordo presenta den Cas di Cultura otro siman.  Esaki lo sosode dia 4 di September, pa 7 or di anochi, dentro di e Simposio di Hofi di Bario, cu ta algo hopi apropia mirando cu den e buki ta papia di un Hofi, cu ta e Hofi di Dios.

- Advertisement -

DUNA COMENTARIO

Please enter your comment!
Please enter your name here