Home Deporte Prome festival di ciclismo cuminzando awe

Prome festival di ciclismo cuminzando awe

16
0
SHARE
- Advertisement -

ORANJESTAD (AAN): Crash Test Dummies Cycling Club ta organiza su prome festival di ciclismo, unda ciclistanan di  BMX y MTB lo topa otro. E lo ta un dia extremo yena di aventura den e deporte di BMX y MTB.

E evento lo cuminsa  ariba diabierna 30 di Augustus cu un open training na pista di BMX Streetwise pa tur e ciclistanan di BMX y lo continua diadomingo 1 di September cu un careda di MTB sigui  pa e competencia di BMX.

Pa cu e deporte di MTB, Crash Test Dummies ta presenta dos ruta hopi intensivo cu paisahenan hopi bunita den Parke Arikok. Ambos ruta lo start y finalisa na e pista di BMX Streetwise.

E careda lo cuminsa pa 7 or di mainta y lo tin e categorianan elite, master, junior y pre junior tanto den seccion damas como  di caballeros. Tambe lo tin e categoria cycling for all pa tur esnan cu no tin mucho tempo ta core bais pero ta desea di challenge na mes den e deporte di MTB.
BMX lo tuma lugar ariba e pista extremo di Streetwise na San Nicolaas y lo tin e categorianan manera challenge, no chain y pro am cu lo subi e adrenalinan di tur presente.

Awe ainda tin inscripcion di  5:00 pa 7:00 di anochi na e pista di Streetwise pa competencia di BMX.

Crash Test Dummies  ta invitabo pa bin apoya nos ciclista y pasa un dia ameno.

Bin cu full famia y presencia un dia yena di ambiente acompaña pa un bar y cushina bon surti.

- Advertisement -

DUNA COMENTARIO

Please enter your comment!
Please enter your name here