ORANJESTAD (AAN) – Den e contexto cu aña escolar nobo (2019-2020) a cuminza Diahuebs, den conferencia di prensa di gobierno Minister Presidente mr. Evelyn Wever-Croes a emiti un mensahe pa desea hopi exito na tur alumno, studiante, maestro y docentenan.
Prome Minister a expresa cu esaki ta un oportunidad y comienzo nobo, un buki den blanco pa nan yene y e ta spera cu tur alumno, tur studiante lo saca e maximo probecho y bon uso di e oportunidadnan nobo aki.
Na e docentenan cu a traha hopi duro e ultimo dianan aki pa prepara, unda Prome Minister a mira hopi klas bunita drecha, el a expresa e aprecio di parti di gobierno y nan respet grandi pa nan trabao.
E mandatario a bisa cu Dios bendiciona e maestro y docentenan den yena nos futuro generacion cu enseñanza pa nan por carga nos economia dia di mañan.
