Home Parlamento RdA mester contesta e carta di retiro pa scapa pueblo 2.6 miyon...

RdA mester contesta e carta di retiro pa scapa pueblo 2.6 miyon florin di claims di parti di Richard Arends 

214
0
SHARE
- Advertisement -

Diahuebs atardi Richard Arends a entrega su retiro oficial di RdA

ORANJESTAD  (AAN):  Parlamentario Edgard Vrolijk (MEP), a expresa cu “na momento cu mi a scoge pa drenta politica ta pa haci lo corecto y awe un biaha mas ta keda demostra e mentalidad di partido AVP unda cu sin escrupulo ta manipula pueblo y pone pueblo pleita cu otro y gaña nan wowo pa vota pa nan.

Mientras pueblo ta pleita nan ta regla nan mes y percura pa nan si por tin progreso financiero. Y despues nan ta laga Aruba na werki pa cada ciudadano paga y pa despues sinta tira culpa riba otro.

Desde dialuna mi a expone un contrato unda ta indica cu Richard Arends ta trahado di RDA y cu su persona a gaña den su geloofsbrief, a huramenta falso y awe cu su carta di retiro ta indica cu te dia 22 di augustus Richard Arends tabatin un relacion di trabao cu RDA cu manera e notulen di reunion di accionista tabata indica cu e lo ta riba verlof te dia cu e no ta parlamentario mas.

Mester tuma retiro tambe di parlamento

Un parlamentario boluntariamente por pidi su retiro di parlamento of si e keda mas cu 8 luna den exterior e ta perde su trabao como parlamentario, asina nos constitucion ta bisa.

Den caso di Arends el a misleid (engaña) parlamento ora el a laga deliberadamente su trabao na RDA for di su geloofsbrief.

Te diahuebs ainda e tabata gaña cu el a desisti di su trabao hopi tempo caba, pero diahuebs atardi di 22 di augustus 2019 Richard Arends ta entrega su retiro oficial di RDA y unda ta mustra cu e tabata riba verlof manera e notulen di reunion di accionista di 17 oktober 2017 tabata indica. Sigur no ta solamente parlamento a ser engaña pero tambe Gobernador a ser engaña y tambe Hulanda cu semper a kere den su palabranan y sigur su ultimo biahe unda el a tene diferente reunion y hiba mentiranan contra gobierno y sigur tambe contra pueblo. Si Richard Arends por tin un tiki di decencia ainda y di cual nos ta duda, e tin di tuma su retiro di parlamento

Urgi bestuur pa sigui investiga

Di parti di parlamento nos ta spera cu RDA contesta e carta di retiro aki di inmediato y caba di formalisa e retiro oficial y asina scapa pueblo 2.6 miyon florin di claims di parti di Richard Arends. Y alavez nos ta urgi bestuur pa sigui profundisa den e investigacionnan p’asina pueblo por compronde kico a pasa den e deal di CITGO cu te dia di awe nos ta mara na man cu pia y sin un dia por a rafina ni un bari di petrolio pero si a celebra su apertura gastando casi 800.000 florin, Vrolijk a expresa.

- Advertisement -

DUNA COMENTARIO

Please enter your comment!
Please enter your name here