Edgard Vrolijk (MEP): Parlamento kier su retiro
ORANJESTAD (AAN): Durante un debate den Parlamento na inicio di siman, e miembro di Parlamento, Edgard Vrolijk (MEP), a presenta pruebanan di un contrato cu ta indica cu e gobierno anterior tabata actuando di forma inapropia.
El a bisa cu e ex ministro Mike de Meza a nombra den secreto su asesor principal Richard Arends como director di e empresa estatal Refineria di Aruba cu un salario absurdamente halto, cu tur su beneficionan.
Por ehemplo, si kier dispidi’e, e empresa tin cu pagu’e un “gold shake hands” di un salario di 5 aña aumenta di 25% pasobra “no ta cualkier hende”. Richard Arends no a informa di esaki na Gobernador ora cu el a wordo designa minister na 2016, ni como miembro di Staten na 2017.
Na 2017, Richard Arends a nenga e rumornan, pero awor tin cu reconoce e existencia di e contrato di trabao. Arends a bisa cu e no ta emplea mas pasobra el a renuncia. No kier proporciona prueba di esaki. Sin embargo, Edgard Vrolijk a presenta pruebanan nobo cu Richard Arends ainda ta emplea pa e empresa, a traves di un sorto di licencia.
“Esaki ta algo cu e mester a menicona den su credencialnan prome cu bira ministro / parlamentario. E no a haci’e y pa e motibo ey el a gaña Gobernador y Parlamento. Esaki y e hecho cu el a exigi y ricibi un salario asina exagera, bao e circumstancianan financiero precario di e compania, ta un motibo pa exigi su renuncia. Como Parlamento, mester demostra cu e integridad no ta un concepto bashi. ¡Richard Arends tin cu bay! ”, Edgard Vrolijk, a expresa.
