Home Enseñanza Richard de Mey: Un yiu di tera orguyoso cu ta felicita y...

Richard de Mey: Un yiu di tera orguyoso cu ta felicita y celebra Aruba cu su scol multilingual

33
0
SHARE
- Advertisement -

ORANJESTAD (AAN) – Como invitado special di Minister di Enseñanza sr. Rudy Lampe, señor Richard de Mey, profesor Multilingual na Connecticut, tabata den e conferencia di prensa, y el a expresa palabranan di felicitacion pa pueblo di Aruba, cu e Scol Arubano Multilingual, cu ta cumiza Diahuebs awor, pa e prome klas di scolnan preparatorio.

“Mi ta apoya esaki cu tur mi curazon y alma, pasobra ami tambe a nace aki na Aruba, mi ta yiu di tera y mi a lanta akinan. Mi tambe por a disfruta di a lanta aki na Aruba cu cuater idioma. Semper mi ta bisa cu no ta Papiamento so ta di nos, Ingles tambe ta di nos, Hulandes tambe ta di nos, y Spaño tambe ta di nos. Nos a lanta den un ambiente cu cuater lenga. Mundo no sa completamente ta kico nos tin. Nos mester continua y sigui aprecia y celebra loke nos tin, locual ta algo unico na mundo. Nos mester sigui cu nos orguyo di ta Arubiano, y cu nos tin e capacidad di papia cuater idioma, cu ta habri porta pa ainda mas idioma por wordo papia como Arubiano”, sr. Richard de Mey a expresa.

El a haci enfasis cu apesar cu nos por bisa cu Papiamento ta di nos pueblo, tambe mester bisa cu e otro idiomanan tambe ta di nos. El a expresa palabranan di felicitacion pa e maestronan cu ta haci un trabao increible y ta celebra nan, y encurasha nan pa sigui cu nan tremendo trabao.

Un trabao sagrado di ta un maestro, sr. de Mey a subraya. El a bisa cu e lo haci tur posible pa apoya di cerca y di leu e trabao cu lo wordo haci na Aruba pa hiba su nomber padilanti y pa esnan cu ta bin despues di nos.

- Advertisement -

DUNA COMENTARIO

Please enter your comment!
Please enter your name here