Home arte y espectaculo Roderich Lopez ta lanza su music video “Amor infinito”

Roderich Lopez ta lanza su music video “Amor infinito”

18
0
SHARE
- Advertisement -

ORANJESTAD (AAN) – Roderich Lopez a introduci recientemente su cancion hibando e tema Amor Infinito, cu ta un di su propio inspiracion.

Roderich a bisa cu “Mi ta sumamente contento di presenta e tema aki “Amor Infinito” Casi tur mi cantica nan ta den un forma inspirativo y tambe educativo cu e intencion di lagabo pensa hopi.

Amor infinito ta 1 di e hopi cu mi tin pa presenta pero tur na su debido momento, e storia tras di e tema aki ta uno basa riba un conoci di mi cu a perde su yiu no mucho tempo atras, y su forma di trata e perdida di su yiu, a inspira mi na skirbi e cantica aki, of mihor bisa a inspira mi pa hiba e tema na e direccion cu e mester a bai.

Inicialmente mi a cuminsa skirbi algo basa riba bida real den mi propio storia di bida y momento cu mi a wordo inspira mi a cambia e tema aki por completo y ma titule Amor Infinito.

Duro como mama of tata y ruman of ful un famia pa perde un ser keri, pesey nos mester biba cu amor pa otro pasobra den un frega di wowo nos no tey mas.

Dios a lagami ser inspira y a motiva mi pa por a canta e cantica cual no tawata nada facil pami y loke ta haci esaki mas bunita ta cu mi dos yiunan y mi casa tame ta forma parti di e video aki, unda cu mi yin muher Qyzianne Lopez ta filma tur e shot nan y mi yiu muher di mas chikito Zailly Lopez a actua den e video, hunto cu mi casa Emmeline Lopez Boekhoudt.

Esaki ta haci cu e video tin diferente sentimento profundo pa nos den nos famia tambe.

Mi ta spera cu e cancion aki yuda cada un di nos recorda nos ser keri nan cu a bay mucho trempan y asina recorda nan na un forma bunita y tambe spera e video inspira otro nan pa no laga loke bo por haci awe mes pa manjan y biba semper den union familiar.”

Un pabien na Roderich cu su bunita cancion.

 

- Advertisement -

DUNA COMENTARIO

Please enter your comment!
Please enter your name here