Home Editorial San Nicolas Summit ta expresa realidad di empresa Arubano

San Nicolas Summit ta expresa realidad di empresa Arubano

79
0
SHARE
- Advertisement -

Editorial 

Awe un problema cu na tanto ocasion DIARIO a trece dilanti, lo haya expresion directo den e cumbre den cual lo discuti e futuro comercial di San Nicolas.

Si analisa factornan relaciona cu desaroyo economico y comercial di Aruba, ta haya e confirmacion cu San Nicolas mester a bira e prome centro comercial di Aruba, cu ta lansa e grito di auxilio pa scapa comercio local di Aruba.

Historia di San Nicolas como centro comercial ta cuminsa for di momento cu industria grandi a yega Aruba y a cambia e destino di e barionan den vecindario di San Nicolas.

Proyectonan nobo di vivienda mester a mira luz y mester a conta cu facilidadnan comercial nobo na San Nicolas manera nomber di e centro comercial a bira.

Den transcurso di añanan, San Nicolas a sigui crece pa wordo confronta directamente cu e resultadonan cu Lago a cera su porta.

Economia a cay y a entrega e prome prueba di loke semper nos ta trece dilanti. Companianan grandi internacional por cera y bandona e pais ora situacion economico bira malo, pero e comerciantenan local ta keda fiel na Aruba y ta sigui busca solucion te ultimo momento.

San Nicolas no a participa na e introduccion di turismo como instrumento economico. Hotelnan a centralisa pabou di brug, caminda habitantenan di San Nicolas mester a haya trabou y tabata haci nan compra.

Den transcurso di añanan, San Nicolas a atende cu companianan petrolero cu a bini Aruba y despues cera nan porta. Valero a mantene su negoshi warda petroleo den e tankinan bieu di Lago despues cu situacion mundial a presenta recesion di 2007-2009 cu a afecta Valero.

San Nicolas a spera hopi di e apertura di Citgo, cu lo a debolbe e isla e actividadnan relaciona cu refineria. Citgo lo a trece tambe mas entrada na tur trahado, pues tambe na e habitantenan di barionan di pariba cu tabata cliente di negoshinan na San Nicolas.

E hecho cu Citgo nunca a bira realidad, acopla na e crisis financiero di Aruba, a haci San Nicolas mescos cu comercio rond Aruba victima cu den hopi caso a inverti en bista di e futuro nobo di bonansa cu Citgo mester a trece segun promesa di gobierno anterior.

Cu insistencia DIARIO a raporta e problemanan cu negoshi chikito di Aruba ta registra. Awe comerciantenan di San Nicolas ta mustra cu existencia di e centro comercial ta na peliger directo.

Esaki no ta nifica solamente cu comerciantenan ta cera nan negoshi, pero cu mas personal lo bay cas y bida social di San Nicolas lo wordo directamente afecta.

E decision di San Nicolas Business Association pa bini cu actividadnan special y e cumbre, ta wordo aplaudi y nos ta spera cu e ta un ehempel pa mas accion di mundo comercial na Aruba pa activamente trece cambio pa e empresanan local.

Nos ta spera cu gobernacion lo por busca formulanan pa yuda empresanan comercial pasa den e periodo sumamente dificil cu nan ta enfrenta y sostene resultadonan di logro di e cumbre cu lo pone Aruba den contacto directo cu inversionista, cu ta fondonan priva pa reactiva economia.

- Advertisement -

DUNA COMENTARIO

Please enter your comment!
Please enter your name here