Scol Preparatorio Fontein y Scol Basico Dornasol a cuminza nan aña escolar 2019-2020

Minister di Enseñanza a informa:

ORANJESTAD (AAN) – Den conferencia di prensa di gobierno, Dialuna, Minister di Enseñanza a duna di conoce cu Scol Preparatorio Fontein, a cuminza cu su les na San Nicolas, despues di varios dia di preparacion di e lugar.

Ademas, e mandatario a informa cu awe Scol Basico Dornasol tambe ta cuminza duna les, y asina aki tur scol ta dunando les na nos muchanan. Esaki ta debi na tur preparacion cu a tuma lugar pa e scol aki cuminza na Burubundo.

Mayornan di ambos scol a wordo poni na haltura. Asina aki tur e aña escolar 2019-2020 lo ta completamente activo. E dignatario a reitera, cu e ta desea un y tur hopi exito durante e aña escolar aki.