Home Enseñanza Setar ta aporta cu 100 tas di scol na Fundacion Creciendo

Setar ta aporta cu 100 tas di scol na Fundacion Creciendo

33
0
SHARE
- Advertisement -

ORANJESTAD (AAN): Pa di tres aña consecutivo Roxana Ras, hefe di Mercadeo di SETAR, a haci entrega di 100 tas di scol na Fundacion Creciendo. Esaki en conexion cu nan proyecto di Bags 2 School pa comienzo di aña escolar nobo.

Joase-Ann van der Biest, representante di Fundacion Creciendo, a conta cu e fundacion tin 7 aña haciendo e bunita proyecto aki pa yuda muchanan menos afortuna den cuadro di e Metanan di Desaroyo Sostenibel pa 2030.

E 100 tas di scol nan aki lo worde reparti pa 100 mucha na 10 diferente scol rond di Aruba. Meta di esaki ta pa stimula y empodera nos muchanan pa bay scol y haci nan best.

SETAR durante henter aña ta contribui na comunidad cu varios actividad y proyectonan den e area di cultura, deporte, educacion, social y mucho mas.

Ademas e aña aki SETAR a organiza pa prome biaha e Youth Tech Event special pa nos hobennan caminda algun scol a gana premionan grandi pa haci proyectonan na scol. Asina aki SETAR ta duna back na nos comunidad.

SETAR ta desea tur studiante un aña escolar  exitoso.

- Advertisement -

DUNA COMENTARIO

Please enter your comment!
Please enter your name here