Home Parlamento Shailiny Tromp cu suplica grandi na Gobierno pa no saca hopi placa...

Shailiny Tromp cu suplica grandi na Gobierno pa no saca hopi placa for di cartera di pueblo

217
0
SHARE
- Advertisement -

ORANJESTAD (AAN): No obstante e consehonan exigente y persistente, segun Parlamentario Tromp-Lee, semper ban pone e ser humano central y realisa cu ta te cierto grado por sigui cobra pueblo e debe cu Mike Eman cu orguyo a crea.

Dianan 19 y 20 di augustus 2019 un biaha mas Gobierno completo tabata den Parlamento pa raporta kico tur a tuma lugar den e prome 6 lunanan di 2019. Den liñanan grandi Gobierno a indica kico tur a keda cristalisa caba, kico ta tumando lugar actualmente y kico tin den tapara.

Alavez mediante e uitvoeringsrapportage di kwartaal 1 y 2 di 2019 cu Parlamento a ricibi recientemente, den liñanan grandi Gobierno a presenta e cifranan pa loke ta trata entrada y gastonan pero tambe a duna informacion encuanto e uitputtingspercentages general di gobierno den su totalidad relata na presupuesto 2019. Sigur e cifranan presenta ta refleha e maneho responsabel cu Gabinete Wever-Croes a bin ta hibando y nos por mira claramente un mehoracion den e resultado compara cu e mesun periodo aki aña pasa.

Segun Parlamentario Shailiny Tromp-Lee, loke sigur a resalta ta e retonan grandi cu Gobierno tin cu ta obstaculisa ehecucion di nan maneho y cu ta limita creaccion di maneho nobo of cu ta impedi inversionnan asina necesario pa nos pais por keda realisa.

P’esey e reunion tabata uno hopi importante pasobra Gobierno a bin pa informa Parlamento con nan ta atendiendo of ta bay sigui atende cu e diferente retonan cu nos pais tin actualmente.

Durante e reunion Parlamentario Tromp-Lee a enfatisa cu pueblo kier mira nan cartera rende fin di luna, pa nan por cumpli cu nan debernan, percura pa nan famia y toch resta algo pa recrea y por pasa tempo di calidad cu nan famia. P’esey mes Tromp-Lee a haya necesario pa haci un apelacion grandi na gobierno pa no obstante e consehonan exigente y persistente, pa semper  pone e ser humano central y realisa cu ta te cierto grado por sigui cobra pueblo e debe cu Mike Eman cu orguyo a crea.

Segun Tromp-Lee e ta haya incomprendibel con esnan cu mester a controla y supervisa y mas importante mester a actua pa preveni e desaster financiero ocasiona, ta esnan cu awe kier impone exigencianan devastador pa nos  pueblo.

- Advertisement -

DUNA COMENTARIO

Please enter your comment!
Please enter your name here