ORANJESTAD (AAN): Bon noticia for di Lima, Peru. Shanayah Howell a bay pa e gran final di BMW, y a keda na di 5 lugar den e Weganan Panamericano Lima 2019.
Sigur un super bon resultado pa nos atleta elite di BMX, Shanayah Howell kende a enfrenta e mihornan di mundo y campeon Olimpico manera Mariana Pajon y Stefany Hernandez den e gran final pa medaya.
Shanayah a lucha te final y a defende e bon nomber di nos bandera na Lima, Peru.
E resultado final ta cu e coredor M. Pajon di Colombia a sali ganador, sigui pa P. Reis di Brasil, y S. Hernandez di Venezuela. Na di cuatro lugar tin P. Steveaux di Brasil, y na di 5 lugar tin Shanayah Howell di Aruba.
Nunca un atleta di Aruba no a logra un posicion asina halto den BMX den un Wega Panamericano.
Sinembargo, pueblo ta contento y orguyoso di Shanayah cu su logro. Potretnan cortesia Comite Olimpico Arubano.
