Home General Sindicato TOPA no a firma protocol riba indexering na 2014-2024 y nan...

Sindicato TOPA no a firma protocol riba indexering na 2014-2024 y nan no por splica kico e kiermen

22
0
SHARE
- Advertisement -

Rene Bernabela  enfaticamente a bisa:

ORANJESTAD (AAN) – Rene Bernabela, presidente di Sindicato TOPA, a trece dilanti cu durante e gobierno di AVP, e sindicatonan a sinta cu gobierno y a yega na un acuerdo  tocante e asina yama “Indexering overleg”.

E consulta riba indexering a cuminza dia 30 di Januari te cu 28 di Mei 2014 y den e protocol tabata tin puntonan cu empleadonan publico a sinta cu gobierno y a yega na un protocol al respecto, cu excepcion di TOPA cu no a bay di acuerdo cu cierto puntonan.

Bernabela a splica cu e tempo ey gobierno y e sindicatonan cu a firma y a compila un tabel cu ta core di 2014 te cu aña 2024. Den e protocol diferente suma a wordo poni pa e bashipremie, reparatiepremie, y gelikjbedrag. Lamentablemente, TOPA a participa na e comienzo pero ora a yega e firmamento e sindicato tabata tin su obhecionnan, unda nan a diferi cu cierto puntonan cu a wordo hinca den dicho protocol. Pesey nan no a firma e indexering overleg aki na final di e dialogo cu e gobierno anterior tocante esaki.

E lider sindical ta kere cu e sindicatonan menciona mester a firma pa henter e cuerpo di ambtenaar e momentonan ey y nan ta e uniconan cu por duna un contesta riba na kico nan ta referi cu “te 2024”.

Pesey e sindicatonan SEPPA, SIMAR, SADA y SPA ta esnan cu prensa mester acerca pa wak kico nan ta pensa pa loke ta trata aña 2024, pa cual nan a traha e tabel pasobra Sindicato SEPPA no a participa y no a firma esaki.

 

- Advertisement -

DUNA COMENTARIO

Please enter your comment!
Please enter your name here