Home Enseñanza Sistema SAM ta hopi positivo y IPA lo uza tur su capacidadnan...

Sistema SAM ta hopi positivo y IPA lo uza tur su capacidadnan multilingual den e desaroyo aki

21
0
SHARE
- Advertisement -

Drs. Marilyn Richardson, Docente na IPA:

ORANJESTAD (AAN)—Drs. Marilyn Richardson, docente di Idioma na Instituto Pedagogico Arubano (IPA), den entrevista cu DIARIO a splica, cu IPA ta siguiendo tur e desaroyonan nacional cu tin aworaki.

E docente a referi na e sistema nobo cu a caba di wordo introduci, den scol preparatorio, esta e sistema SAM (Scol Arubiano Multilingual)  cu sra. Richardson ta haye hopi positivo y IPA ta bay uza tur e capacidadnan multilingual cu tin den e Instituto.

Docente drs. Richardson a señala cu saliendo for di e idioma natal ta bay siña e otro idiomanan na un mihor manera y e ta convenci di esey.

E diferente estudionan cu a wordo haci, Richardson ta agrega, ta mustra cu e alumno por siña Hulandes como un idioma stranhero, na un manera mas eficiente.

“Nos tin cu ta realistico, den e comunidad na Aruba Hulandes no ta biba hopi. Ingles ta biba masha hopi, vooral den Social Media, television, etc., y logicamente e studiante ta sinti su mes mas confortable”, drs. Richardson a subraya.

Realidad ta cu esaki no ta pasando na Aruba so, pero den otro paisnan e Idioma Ingles ta tumando hopi tereno.

“Mi ta kere cu e decision cu a wordo tuma pa enfoca riba Idioma Papiamento, ta hopi bon. Nos tin un idioma materno cu un balor grandisimo, y nos tin cu proteha esey. Mi ta sigur cu e ta conta pa tur hende. Siña den bo mesun idioma ta haci bo mas sigur di bo mes”, e docente a expresa.

E persona por expresa su mes hopi mehor y tin exito den otro idiomanan tambe y den estudio en general, sra. Richardson ta remarca.

El a indica tambe cu e Departamento di Profesionalizacion tin un plan y esaki ta pa percura pa tur docente yega na e nivelnan di por tin un dominio di tur e idiomanan manera mester ta.

 

 

- Advertisement -

DUNA COMENTARIO

Please enter your comment!
Please enter your name here