Home Editorial Solucion pa nos crisis ta renobacion structural

Solucion pa nos crisis ta renobacion structural

60
0
SHARE
- Advertisement -

Editorial

Durante e periodo 2009 pa 2017 e actitud critico cu democracia ta exigi di pueblo pa e pais conoce un bon gobernacion, a wordo confronta cu un maneho gubernamental cu a preveni y stroba un actitud critico.

Na 1983 ora e lucha pa Status Aparte a culmina y Aruba a habri porta pa su futuro como pais den Reino, e traha riba e fundeshi legal pa e pais funciona. E orden di ley ta importante na un pais democratico, pasobra ta ley ta regla tur sector incluso nos economia, financia y bida social.

Na 1984, ora e preparacion di e base di e pais tabata avansa, Aruba a wordo confronta cu e informacion cu Lago lo cera su porta y cu Aruba lo a keda sin su fuente di entrada.

E crisis di Aruba a cuminsa na 1985 na momento cu Status Aparte a entrega Aruba mando di un gobernacion den cual separacion di bienes entre Aruba y Antia Hulandes a cambia varios structura financiero y economico. Por papia aki por ehempel di SVB, cu a bira na midi di Aruba cu un cantidad mas chikito di cliente cu den un mundo di seguro ta importante.

E prome gobierno di Aruba a remedia e crisis cu introduccion di turismo. Den e añanan cu a sigui e control riba gobernacion tabata centralisa riba crecemento di e cantidad di hotel y negoshi turistico. A sigui busca un forma pa habri e refineria, loke semper a fracasa pasobra Aruba ta parti di un mundo cu exigencia nobo riba tereno di refineria y upgrader manera Aruba tin.

Importante ta, cu mientras tabata parce cu Aruba tabata den bonansa, no tabata tin bista pa cifranan di gobierno y asuntonan cu lo a bira peligroso pa e pais.

Campañanan electoral semper tabata tin algo pa cumpra e curason di votadonan cu no ta comprende advertencianan na idioma dificil di e aparatonan di control di gobierno.

E situacion aki a culmina na 2009 ora pueblo mester a bay eleccion despues cu BBO a wordo introduci.

Loke a resta di e fundeshi pa gobernacion solido cu cual Aruba a bira pais na 1985, a muri cu e formula pa baha y despues elimina BBO dor di crea un debe nacional pa futuro na 2009.

E periodo 2009 pa 2017 pues a cualifica su mes pa e hecho cu dilanti di cortina enfrente publico, gobierno tabata presenta un mundo di maraviya cu no tabata existi. E desastre di Citgo a culmina e obra, mientras Aruba a keda cu un turismo cu personal dinamico a scapa ora su mercado Venezolano a basha abou. Aruba a keda cu un hospital cu lo mester tabata tin cinco strea, pero a bira mil amargura. Na 2018 mester a tuma medida pa scapa Aruba di bati bankroet. E medidanan aki ta afecta nos bida pero tambe nos capacidad pa atende cu nos turismo y ta hisa nos prijsnan.

E solucion pa nos crisis, despues di e medidanan riba corto plaso, ta renobacion di e structura original di bon gobernacion cu a wordo prepara pa e pais Aruba. Nos mester adapta nos gastonan di gobierno na e placa cu e pais tin pa paga gobernacion y aparato publico.

Nos mester uza nos entradanan na ahusta turismo, siguridad nacional, cuido medico, agricultura, sector comercial na demanda actual pa nos pais bira productivo.

Nos mester deshaci di wega politico di pasado cu a destrui nos pais y reorganisa Aruba pa nos por sigui bay dilanti.

 

- Advertisement -

DUNA COMENTARIO

Please enter your comment!
Please enter your name here