ORANJESTAD (AAN): E siman cu a pasa aki, e revista Sports Illustrated Swimsuit a rindi homenahe riba nan Twitter, na e tenista Canades y modelo Genie Bouchard cu un sesion fotografico impactante.
“More Genie, please” tabata e mensahe cu Sports Illustrated Swimsuit a pone riba nan account di Twitter, den su homenahe na e modelo Gene Bouchard cu a aparece den nan edicion special di Swimsuit Issue di 2018.
Verano a yega, y e revista ta recordando riba nan Twitter oficial algun di e mihor pose di ultimo añanan.
Tambe nan a pone Genie Bouchard den su ultimo aparicion den e edicion special, esta na 2018, ora cu el a bin Aruba pa luci su mes den lama Caribense.
E tenista di 25 aña di edad, no ta hungando riba cancha di wega. Ya el a sali di e Top-100 di tennis, es mas e ta ocupando Puesto 114 riba e clasificacion di WTA, ya cu el a perde e seis ultimo weganan individual. Desde Februari e no a gana un wega mas den WTA Tour, den e torneo na Dubai.
E lesionnan no a yuda e Canades, kende na 2014 a briya y luci den Semifinals di Australia Open y Roland Garros y final di Wimbledon, y algun octavo di final di US Open.
Na Aruba, potretnan di Genie Bouchard a wordo saca pa e fotografo James Macari, cu trahenan di baño di Dolcessa.
