Home Gobierno Ta calcula cu pa 2021 hotel nobo na San Nicolas lo ta...

Ta calcula cu pa 2021 hotel nobo na San Nicolas lo ta den operacion

389
0
SHARE
- Advertisement -

Otro luna o cuminza mira preparacion di e tereno

ORANJESTAD (AAN):  Minister Otmar Oduber a duna un declaracion pa asina duna di conoce kico ta e ultimo desaroyonan pa loke ta trata e construccion di e hotel na San Nicolas.

El a bisa cu tur cos ta canando y precisamente awor cu tin e ‘Business Summit’, e desaroyadornan lo ta na Aruba pa un presentacion.

El a indica cu e ta hopi contento di por scucha for di San Nicolas Business Association e interes cu ta creciendo tur dia pa San Nicolas. Ta spera un summit sumamente exitoso.

Segun e mandatario, den e caso aki tin e webo di oro cu pa mas di 40 aña a bin ta busca pa un desaroyador cu ta kere den e area pariba di brug y cu ta dispuesto pa haci inversionnan.

Awor ta asina leu y pa otro luna, e fecha exacto lo wordo anuncia, pa september, lo cuminza cu e movimentonan di tera pa cuminza prepara e tereno y ta spera cu pa October e construccion cuminza tuma lugar, a laga sa.

Minister Oduber a sigui bisa cu den e prome fase lo construi 600 camber di hotel cu lo mester ta cla den 22 pa 26 luna. Ta calcula cu pa 2021 e hotel na San Nicolas lo ta den operacion.

Segun Oduber, gobierno ta wordo acerca pa diferente inversionista local y di afo cu kier inverti y cu kier haya un plan maestro di kico ta bin pariba y kico ta e posibilidadnan. Den e ROPv, pa prome biaha ta bay uza San Nicolas como ‘pilot project’ caminda cu ta bay describi den detaye con pa proteha San Nicolas den e desaroyo aki.

Kier pa conserva e “cultural heritage” y traha a base di planificacion di kico tur ta bin na San Nicolas. Tur cos mester bin balansa. Tur esey por wordo crea e biaha aki pa medio di e ROPv.

Un di e cambionan grandi ta cu ta bay haya cu proximamente lo bay nombra un manage, conforme e ley di LRO, cu lo mester supervisa y percura cu e desaroyo na San Nicolas ta conforme e planificacion di ROPv cu ta na caminda y e leynan cu ta a base di e vision cu gobierno tin pa loke ta maneho pa pariba di brug, Oduber a remarca.

- Advertisement -

DUNA COMENTARIO

Please enter your comment!
Please enter your name here