Home General Titulo di Minister Presidente ta crea impresion robes

Titulo di Minister Presidente ta crea impresion robes

42
0
SHARE
- Advertisement -

Analisis Special

Hunto den buskeda di garantia pa bos di Pueblo resona 

Minister Presidente ta Presidente di Conseho di Ministro 

Ta cu hopi placer DIARIO ta tuma nota con lectornan ta presenta nan opinionnan riba temanan cu den nos Analisis nos ta pone na discusion.

Awe DIARIO kier presenta e opinion di un lector cu ta papia pa su mes. DIARIO lo duna un comentario cortico di e materia, riba cual nos lo bolbe den proximo edicionnan y gustosamente lo comparti cu mas lector.

Lector ta propone eleccion directo Ministro Presidente 

DIARIO ta publica textualmente e opinion di e lector.

Ta hopi bon cu Diario ta señala e dependencia parlamentario, pero lo ta
mucho mas miho si Diario por trece sugerencia pa mehora e situacion.
Pero ehempel Diario por a sugeri:
– bin , despues di 2 aña di eleccion pa Parlamentario , cu un eleccion pa un
Prome Minister; esun cu gana ta forma su Gobierno no mara na eleccion di
Parlamentarionan.

Separacion di poder di Gobierno y Parlamento y 2 eleccion separa ta duna pueblo e oportunidad pa husga trabao di Gobierno y Parlamento separadamente.

Separacion di poder no ta e base di democracia??
-Bini cu un prohibicion, den e situacion actual, pa un candidato riba ultimo
lista di eleccion pa Parlamento por bira Minister. Asina Ministernan lo no
sali mas di Parlamento pero lo ta personanan bon prepara pa partidonan
politico pa bira Minister.

Ta logico cu sugerencianan asina no lo ta aceptabel sin mas , pero prensa
tin e tarea pa señala situacionnan cu merece cambio pa un democracia real.
Danki pa e atencion.

Prome reaccion ta cu Ministro Presidente no ta hefe di estado 

Pa por presenta e motibo cu no por tene eleccion pa un Ministro Presidente den e situacion constitucional di Aruba, mester deshaci di e impresion robes cu ta wordo crea rond di e figura di un Ministro Presidente, cu tin mes haltura cu un Presidente di Parlamento y un Presidente di Corte di Husticia/Procurador General.

Den mundo politico e figura di un Ministro Presidente ta wordo eleva na un haltura cu e no ta. Hopi bes no ta tene cuenta cu e papel clave cu un Ministro di Husticia ta hunga ora Parlamento bay di acuerdo y un Ley mester bira realidad.

Segun nos sistema Bos di Pueblo tin su refleho directo den Parlamento, cu a base di deseo di Pueblo ta funciona. A base di loke Pueblo a dicidi ta forma e parti ehecutivo di gobernacion.

E loke nos ta yama gobierno den nos situacion actual ta realmente Conseho di Ministro, cu ta eligi como nan presidente e minister cu lo presidi e Conseho di Ministro.

Pues e Ministro Presidente ta referi na e hecho cu den e reparticion di trabou di Conseho di Ministro, e Ministro di entre otro Asuntonan General ta fungi como Presidente di e Conseho di Ministro. Na esaki a deduci e titulo di Minister Presidente.

Si eligi Ministro Presidente of Prome Ministro mester haci mescos cu otro ministronan.

Den proximo edicion nos lo trece dilanti tur e diferencia cu tin entre Aruba y e sistema di Merca of Venezuela, caminda e poder ehecutivo (gobierno) ta e Presidente cu ta dicidi kende ta Minister. Pasobra den nan situacion no tin Ministro Presidente pero Presidente cu ta Hefe di Estado.

Nos lo bini cu mas riba e topico interesante aki y tur splicacion riba e diferencia entre e sistema di Aruba, caminda e poder di pueblo (e bos directo di pueblo pa medio di eleccion liber) ta Parlamento cu tambe pues ta eligi su Presidente.

- Advertisement -

DUNA COMENTARIO

Please enter your comment!
Please enter your name here