Home Turismo y Hoteleria Trahadornan di Hilton a gradua cu zjeito

Trahadornan di Hilton a gradua cu zjeito

26
0
SHARE
- Advertisement -

ORANJESTAD (AAN): Hilton Aruba Caribbean Resort & Casino a invita su team pa participa den e oficial “Mi Compromiso”, esta e Aruba Certification Program facilita pa Aruba Excellence Foundation, diseña pa haci di nos trahadornan den sector turistico verdadero embahadornan di Aruba.

Esaki ta worde cumpli door di presenta nan cu conocemento excepcional di e isla, combina cu un compromiso pa ofrece e mihor servicio na nos bishitantenan, cu zjeito.

Mi Compromiso cu Aruba, ta un programa educativo patrosina pa Gobierno di Aruba dirigi na tur persona trahando den sector turistico.

E programa ta mehora e conocemento di participantenan pa loke ta e isla su producto turistico cu enfoke ariba excelencia den servicio y e sosenibilidad di nos isla su medio-ambiente.

Diseña pa Ministerio di Turismo, e ta un inversion den nos hendenan, aumentando e nivel di profesionalismo y actualisando nan conocemento di e isla di Aruba.

Hilton Aruba Caribbean Resort & Casino a organiza varios session di e programa di certificacion, cu un gran cantidad di empleado cumpliendo cune. Hunto nan a explora e capitulonan mas importante di Aruba su historia y e desaroyo di e industria di turismo.

Tambe a repasa recursonan natural, cultura, attraccionan, normanan di servicio y conscientisacion riba tereno di desaroyo personal. Tur esaki hunto cu e curiculo oficial cu ta inclui Turismo, Sostenibilidad, Historia di Aruba, Servicio Excelente, Comunicacion Excelente y un Actitud Ganador.

Mas importantemente, e programa a reviva un concepto antiguo di Papiamento, esta zjeito, e secreto di Aruba su cordialidad y amabilidad. Hunto, e foro a explora e nificacion profundo di e zjeito local y su manifestacion den estilo di bida di localnan cu na su momento ta worde transmiti na nos bishitantenan.

Den e imagen, feliz graduadonan yen di zjeito, orguyoso cu nan certificado di completacion di curso.

- Advertisement -

DUNA COMENTARIO

Please enter your comment!
Please enter your name here