Home Tempo Un Disturbio Tropical riba Oceano Atlantico lo por desaroya den tormenta pa...

Un Disturbio Tropical riba Oceano Atlantico lo por desaroya den tormenta pa otro siman

134
0
SHARE
- Advertisement -

ORANJESTAD (AAN): Un informacion emiti pa Departamento Meteorologico di Aruba (DMA), ta indica cu nan ta vigilando movimento di tempo tropical.

Un area di presion abao, basta bon forma riba Oceano Atlantico tin tur nan atencion.  E ta mas o menos mey-mey di Africa y e parti mas pariba di Caribe.  E tin un chens medio grandi pa den siguiente 4 dianan e sigui desaroya y bira un Ciclon Tropical den cuminzamento di otro siman.

Esaki mientras e ta moviendo direccion West te West-Noordwest riba awanan habri di Oceano Atlantico.

National Hurricane Center na Miami desde Diaranzon ta usando e nomber “Invest 96L” pa e disturbio aki.  E ta ubica como 1.600 kilometer pariba di islanan mas pariba di Caribe, y ta moviendo West-Noordwest cu entre 16 km/h y 24 km/h.

E hecho cu e ta tardando pa forma y bira un ciclon, ta cu e ta pasando aworaki den un area cu ta hopi seco, y pa colmo satura cu stof fini di Sahara.

Claro cu aire seco, y satura cu stof ta stroba sistemanan tropical, door di suprimi tormenta cu lamper y strena.  Pues e tormentanan ey no por persisti hopi pa asina un centro di presion abao cuminza e proceso di forma un ciclon tropical.

Sinembargo toch un desaroyo lento di e sistema aki ta posible y un depresion tropical lo por start na comienzo di siman venidero, ora cu keto bay e ta pariba di e islanan di Caribe.

Toch tin cierto condicionnan ambiental cu lo por ta desfavorable pa desaroyo riba Diamars of Diaranzon, net ora cu e tormenta aki ta yegando Islanan Ariba.

Sea como un depresion tropical, un tormenta, of djis un disturbio, hecho ta cu e sistema aki lo drenta Caribe pa otro siman.  Sin worry kico e lo wordo yama, e lo bay trece mas awacero, kizas fuerte.  Despues di esey, e ruta di e sistema lo depende a base di e localidad y forza di dje.

Algun Computer-Models ta mustra cu e tormenta aki lo por wordo desvia door di movimento mas zuid di e jet-stream, y esey lo por pone cu e tormenta aki lo por bira bay nort, pasa pariba di Merca, y despues bay bek pariba rumbo pa Oceano Atlantico.

No obstante tur e pronostico aki, Departamento DMA di Aruba ta sigui vigila desaroyo di e disturbio tropical aki cu hopi atencion.

- Advertisement -

DUNA COMENTARIO

Please enter your comment!
Please enter your name here