Home General Un man pa San Nicolas como pais den Reino

Un man pa San Nicolas como pais den Reino

210
0
SHARE
- Advertisement -

Resumen di siman

Democracia constitucional refleha den evento historico

Corona,  Parlamento y Gobierno a uni den buskeda solucion 

E evento di siman cu ta termina, sin duda tabata e cumbre organisa pa San Nicolas Business Association cu na e forma mas efectivo a discuti e peliger serio cu San Nicolas ta enfrenta y a busca hunto cu tur partner tur solucion.

Buskeda di solucion na un forma democratico y responsabel a bini dilanti den e evento cu sigur ta un modelo con Aruba mester uni pa yega na un futuro miho.

Awe no por cera siman sin para keto na algun factor importante.

Na prome luga na San Nicolas prueba a wordo duna di conocemento di nos cuadro di ley cu ta alma di loke mester sirbi e bienestar di nos pais.

Nos democracia constitucional a haya expresion maximo cu presencia y participacion di nos Gobernador, Su Excelencia mr. J.A, Boekhoudt. como representante di Rey. Ta den e relacion entre Rey y pueblo, e garantianan pa felicidad di Aruba ta hancra.

E representacion oficial di pueblo di Aruba, Presidente di Parlamento mr. J.E, Thijsen, a defini e presencia directo di e cuerpo cu Aruba a eligi pa dirigi futuro di e pais.

E organo ehecutivo, encarga cu e tarea di maneha Aruba, a duna splicacion di loke su maneho ta contene pa Aruba.

Den presencia di representantenan di San Nicolas Business Association cu na nomber di comercio di San Nicolas a mustra Aruba riba e situacion serio cu pariba di brug conoce, a papia di medidanan cu lo tuma a  corto plaso.

Den su discurso Gobernador di Aruba a mustra riba e esencia pa construi un base solido y duradero den cual ta sigura e bienestar di e pais y su ciudadanonan.  E representante di Corona a para keto na un forma special riba e necesidad pa tur porta di school ta habri pa futuro.

Den e cuadro aki el a papia di su propio experencia cu portanan cera di e school cu el a bishita.

Kico maneho gubernamental lo encera, a haya expresion di parti di Ministro Presidente di Aruba mr. E.C. Wever-Croes.  El a papia tambe di e plan pa atende transporte publico for di pabou di brug pa San Nicolas. El a mustra cu un parti importante di comunidad di San Nicolas, ta traha pabou di brug.

Mester splica cu San Nicolas Business Association tabata tin reunionnan cu Ministronan cu ta traha riba plannan concreto pa San Nicolas. Entre otro tin e plan pa un hotel nobo, cu lo mester rebiba e area di San Nicolas.

E dirigente di San Nicolas Business Association, sr. Andres Hernandez a mustra cu si 10 porciento di loke a bini dilanti wordo realisa pa San Nicolas, e centro comercial pariba di brug lo sali for di problemanan cu e ta aden.

Mester resumi cu e organisacion a sa di atrae tur forsa cu e mester den buskeda di un solucion. Tabata presente Gobernador, Parlamento y Gobierno, cu mester sostene leynan pa cambio na San Nicolas, cu a bira victima mas grandi di e fracaso di e proyecto Citgo.

Comerciantenan di San Nicolas sigur a duna prueba cu nan sa con expone e problemanan di e centro, cu mester haya miembronan di comunidad atrobe trahando na San Nicolas!

- Advertisement -

DUNA COMENTARIO

Please enter your comment!
Please enter your name here