Home General Un plan social mester evita mas migracion sin planificacion pa Hulanda

Un plan social mester evita mas migracion sin planificacion pa Hulanda

113
0
SHARE
- Advertisement -

Analisis

Riba termino corto gobierno di Aruba lo mester sinta na mesa cu gobierno di Hulanda pa discuti e situacion financiero y e forma cu Aruba ta bay atende su problemanan.

Nos no por gaña nos mes, cu Aruba ta confronta un situacion sumamente dificil y cu te awor Gobierno a logra pa Aruba a evita di cay den un desaster total pero cu tin retonan grandi na caminda.

Despues cu a keda confirma cu Citgo no tabata ningun garantia pa tur Arubiano na Aruba y hasta na Hulanda haya trabou y ainda no tin prueba cu ta haya un operador nobo, migracion pa Hulanda ta continua.

Hulanda na e momentonan aki ta ofrece e loke basicamente ta e motibo grandi di migracion, cu ta placa den cartera y asistencia social cu Aruba no por brinda.

E plan social cu gobierno Wever-Croes a introduci tabata atende e necesidad di Aruba pero e ta bay bira uno di e puntonan di discusion cu Reino, cu kier pa Aruba baha gasto loke ta encera tuma medida.

Na momento cu mas medida wordo tuma na Aruba, por spera cu mas avion ta yena cu migrante pa Hulanda, caminda hopi Arubiano ya ta confronta problema.

E promesa di Euro no por deshaci di e realidad Hulandes, cu ta exigi gobierno di Hulanda tambe di tuma pasonan riba diferente tereno.

Analisis di e situacion di migracion pa Hulanda ta indica cu tin problema y problema serio. E cantidad total di migrantenan pa Hulanda ta sigui subi.

E pais Europeo cu cantidad di ley social for di añanan sesenta a bira un paraiso social pa trahadonan cu Hulanda mester a importa pa falta di trahado cu tabata tin cerca industrianan Hulandes.

E generacion di  migrante di diferente nacionalidad cu for di e tempo a muda pa Hulanda, a crea reis na e pais cu awe ta confronta su propio problemanan.

Ora studiantenan di Aruba a bay Hulanda pa continua nan estudionan, ya nos a papia di e problema di vivienda cu ta uno di e problemanan serio cu tur migrante mester tene na consideracion.

Bida na Hulanda por ta produci Euro pero tambe e ta produci basta placa y hopi migrante no ta sinti cu nan ta parti di un paraiso.

Gobierno Hulandes tambe mester tuma hopi decision den tempo venidero y informacionnan cu nos tin, ya a papia cu paisnan den Caribe riba e situacion existente.

E situacion di migracion pa Hulanda pues no ta bay bira e solucion pa alivia e situacion social na Aruba, ni pa Arubianonan alcansa un miho bida den un comunidad Hulandes cu a cambia y lo sigui cambia hopi.

E solucion ta bira pa Hulanda yuda carga un fondo social cu ta stop migracion y hasta ta duna incentivo pa Arubianonan bolbe Aruba, caminda mester percura pa laga cuponan di trabou existente habri pa Arubiano.

E fondo social cu ta bay crea no mester ta punto di salida pa un peso pero mester keda un solucion pa duna espacio pa Aruba recupera.

Negociacion ta bay bira e palabra magico entre Aruba y Hulanda, cu mester crea incentivo pa e Arubiano bolbe Aruba y haya solucion pa e problemanan social cu tabata motibo pa su deseo pa biba na Hulanda.

E simannan cu Aruba ta confronta lo no ta facil. No ta tur deseo por haya cumplimento pasobra mester di placa. Di otro banda Hulanda mester di un solucion pa migracion. Den e situacion aki por haya apertura na fabor di Aruba.

- Advertisement -

DUNA COMENTARIO

Please enter your comment!
Please enter your name here