Home Comercio Varios comerciante di San Nicolas lo cera nan porta na Januari si...

Varios comerciante di San Nicolas lo cera nan porta na Januari si no ta tuma accion

692
0
SHARE
- Advertisement -

Awe tin e ‘First San Nicolas Business Summit’

ORANJESTAD (AAN):  San Nicolas Business Association (SNBA), ta organiza nan “Business Summit” cu lo tuma lugar awe na Santa Teresita Center.E summit aki lo cuminsa 9’or di mainta.

Errol de Freitas, Secretario di San Nicolas Business Association a duna di conoce cu e cumbre aki tin como tema ‘First San Nicolas Business Summit’.

E ta e prome cumbre cu ta wordo realiza pariba di brug, specialmente pa e comerciantenan di San Nicolas pero pa tur otro persona interesa, a bisa.

De Freitas a indica cu den e ultimo añanan e situacion na San Nicolas tabata un poco tenso pa no bisa malo. Pesey a bin cu e idea di organiza un cumbre caminda por wak kico por haci den e proximo 6 lunanan pa cambia tur locual ta sosodiendo.

El a agrega cu for di e cantidad di miembronan, 5 pa 6 a informa cu nan ta bay cera nan portanan na Januari si no tuma accion. Door di esey a organiza e cumbre aki unda e invita tur e ‘decision makers’, ‘stakeholders’, ‘policy makers’ cu ta gobierno di Aruba, hefenan di departamentonan cu ta concerni e evento cu ta organizando.

Tambe lo tin presencia di varios inversionista local y internacional cu ta interesa pa yuda den e cambio cu ta necesario na San Nicolas.

Cu e cumbre aki kier sa di e interes pa inverti na San Nicolas den e proximo 6 lunanan (September 2019 – April 2020), Errol de Freitas a indica. Tin varios organizacion cu a acerca SNBA y a yega na e punto cu no por a acepta mas.

E di dos cumbre ta na caminda, a laga sa, y e fecha lo wordo anuncia despues. Awe diaranzon lo haya sa di tur e proyectonan cu ta bay inicia y cu tin pa San Nicolas cu por wordo efectua den e proximo 6 lunanan.

De Freitas a bisa cu e expectativa ta grandi. E cumbre lo habri cu discurso di Gobernador Alfonso Boekhoudt, kende ta un persona di pariba di brug, locual ta algo hopi significativo pa SNBA.

Andres Hernandez, presidente di San Nicolas Business Association a expresa cu tin un hotel cu ta bay cuminza cu 500 empleado. No tin duda di e ‘spin-off effect’ cu esaki ta bay trece cune, a indica.

Actualmente tin un caya na San Nicolas cu ta canando 3 hende pa ora durante e dia. Posiblemente ta mirando un solucion pa San Nicolas cu no a wak den e ultimo 30 añanan.

Tin e promesa cu un bes cu e hotel nobo cuminza opera cu otro negoshinan lo cuminza traha bek, cual ta entre otro Hotel Marchena cu 40 camber y cu awor tin permiso pa casino.

E construccion di e hotel aki a wordo para door di e situacion di e ‘fiscal zone’.

Hernandez ta di opinion cu awor ta e momento pa premira un San Nicolas cambia pa December 2019.

 

- Advertisement -

DUNA COMENTARIO

Please enter your comment!
Please enter your name here