Home General 70 hoben a participa den programa Impact Camp

70 hoben a participa den programa Impact Camp

41
0
SHARE
- Advertisement -

ORANJESTAD (AAN):  Riba Dia di Hoben ultimo, 12 di augustus 2019, Heart-Centered Leadership Foundation a inicia e prome dia di Impact Camp, unda 70 hoben a cuminsa e programa di 3 dia ‘ACE

(Achievement and Commitment to Excellence) Program’.

ACE Program ta un programa di EduCare Foundation di Los Angeles, California cu desde 2012 Heart-Centered Leadership Foundation ta ofrece na Aruba.

Na aña 2014 HCL Foundation a cuminsa ofrece e programa aki na diferente school secundario cu e meta pa empodera y fortifica caracter di alumnonan pa nan por traha riba excelencia na school y den nan bida personal. Como parti di e programa aki, a introduci e concepto di ‘Growth Heartset®’ pa maestronan di school ora cu nan tambe a haya un tayer di profesionalisacion.

Bou e capa di Impact Camp, a ofrece ACE program na 70 hoben entre 12 y 21 aña di edad. E hobennan a wordo reparti den grupo segun nan edad pa segura cu e participantenan por relata na otro mihor.

E programa ta uno impactante pa e hoben, unda e ta sinti’e sigur pa por comparti kico e ta sinti ta strobando e di bay dilanti, e ta sera conoci cu mas hoben y sera amistadnan nobo, y ta ricibi hermentnan balioso cu ta promove su desaroyo personal: comunicacion, responsabilidad personal, sali di bo ‘comfort zone’ pa cumpli metanan personal y academico, con pa traha den team, amor y balor propio, reconoce amistad sano, aceptacion propio y hopi mas.

E programa a culmina diaranson 14 di augustus cu un ‘family evening’, unda famia y esnan keri di e hobennan a bin scucha kico e nan a experiencia durante e 3 dianan. Ademas, e hobennan a haya momento di comparti cu su famia kico e ta aprecia di nan y mayornan tambe a haya oportunidad di comparti kico nan ta aprecia di nan yiu.

Impact Camp tabata un di e 10 proyectonan ganador di Pitch Time di CEDE Aruba, unda Aruba Marriott Resort and Casino a escoge Impact Camp pa yuda sponsor. Durante e ‘final showcase’ di Pitch Time dia 6 di September ultimo, Heart-Centered Leadership Foundation su team, encabesa pa Youth Coach Emanuel Koolman y boluntario Nathan Tromp a gana ‘Best Pitch’.

Heart-Centered Leadership Foundation kier a gradici tur esnan cu a yuda haci e Impact Camp posibel.

Desde 2008 Heart-Centered Leadership Foundation ta traha riba su meta di empodera hobennan door di ofrece diferente programa. Heart-Centered Leadership Foundation ta kere den transformacion di ‘paden bay pafo’: trahando riba caracter di nos hobennan, yuda nan descubri nan talentonan y potencial, y trahando riba un generacion nobo di hobennan cu ta lidera di curason: hobennan cu ta responsabel, resiliente y respetuoso no solamente na nan mes, pero esnan rond di nan, esta famia, bisiña, colega di trabao y medio ambiente.

- Advertisement -

DUNA COMENTARIO

Please enter your comment!
Please enter your name here