Home Hudicial 8 aña di prison pa dos homber cu a tira riba un...

8 aña di prison pa dos homber cu a tira riba un otro y herid’e dos biaha den lomba

52
0
SHARE
- Advertisement -

Hues a confirma exigencia di Fiscal

ORANJESTAD (AAN) – Ayera mainta e homber Arubiano C.M.(20) y e Colombiano biba na Aruba L.F.M.(23), a scucha Hues confirma e exigencia di Fiscal. Hues ta haya nan culpable di intento di mata y a condena nan na 8 aña di prison.

CULPABEL DI TIRA HOMBER

Manera DIARIO a publica, ayera mainta Hues di Corte den Promer Instancia, a dicta sentencia den e caso penal cu Ministerio Publico a cuminsa contra e hombernan C.M. y L.F.M.

Dia 30 di Augustus 2019 tratamento di e caso a tuma lugar caminda Fiscal a mustra cu C.M. y L.F.M. riba 21 September 2018 a haci nan mes culpable di intento di mata e homber R.C. door di a tira riba dje y herid’e dos biaha na su lomba. Fiscal a exigi 8 aña di prison.

SENTENCIA

Hues a bisa C.M. y L.F.M. cu e ta haya legalmente proba cu riba 21 September 2018 a purba mata e homber R.C. cu tabata sinta den veranda di un cas.

Hues a bisa cu e ta haya proba cu nan a tira riba e victima y cu dos tiro a alcanza e victima R.C. den su lomba. Tambe Hues ta haya C.M. y L.F.M. culpable di proba posecion di arma di candela. Hues a bisa cu a keda proba cu C.M. tabatin droga den su poder.

Hues ta haya e declaracion di e victima R.C. confiabel y ta us’e como prueba.

CASTIGO

Hues a bisa cu purba mata hende ta un di e castigonan mas pisa cu Corte conoce. Pa cu e castigo, Hues a tene cuenta cu e victima lo por keda cu trauma. El a sufri 2 tiro den lomba ora el a core bay. Tambe Hues a tene na cuenta cu ambos acusado tin carchi di castigo cu caso di violencia.    Hues a mustra cu Fiscal a exigi 8 aña di prison y Hues ta haya esaki na su lugar. Hues a condena C.M. y L.F.M. na 8 aña di prison, kitando e tempo cu nan ta sera den KIA.

Pa loke ta e demanda di daño di e victima, Hues a mustra cu R.C. a demanda 25 mil pero Hues a reduci esaki na 5 mil florin. Hues a bisa cu e ta declara e resto no admisibel y cu R.C. lo por cuminsa un caso civil si e ta desea esey.

- Advertisement -

DUNA COMENTARIO

Please enter your comment!
Please enter your name here