Home Hudicial Adicto di droga cu a horta cuminda kier bay rehabilita na Santo...

Adicto di droga cu a horta cuminda kier bay rehabilita na Santo Domingo

153
0
SHARE
- Advertisement -

Fiscal y Hues ta contento cu e actitud aki

ORANJESTAD (AAN) – E homber M.G.R., un conoci adicto di droga di Polis, a presenta dilanti Hues pa diferente ladronicia. E tabata acompaña pa dos empleado di Centro Colorado y nan a bisa Hues cu M.G.R. kier bay rehabilita na Santo Domingo y tur cos ta mustra cu e luna aki mes e lo bay. Fiscal y Hues tabata contento cu e desaroyo aki. Hues a bay di acuerdo cu e exigencia di Fiscal cu ta un castigo combina cu ta nifica cu M.G.R. no mester bay sera.

HORTA PA CUMINDA

Fiscal a bisa Hues cu e acusacionnan contra M.G.R. ta hortamento diferente biaha. Na Januari 2017, el a horta na Subway Cura Cabay, caminda el a drenta den e lugar y coy e tips box y core bay cun’e. Tambe Fiscal ta acusa M.G.R. cu 17 November 2018 el a horta for di un lugar di grill un carton di sigaria y tambe cu el a horta cuminda for di un persona su auto.  horta placa, 17 Nov. 2018 horta for di un lugar di grill y tambe horta cuminda for di un homber.  Homber supervisor a bisa cu el a mira e choller M.G.R. drenta Subway coy e tipbox y core bay cun’e. Despues deteni y haya cu 14 florin cual a debolbe na Subway.   Ta asina cu M.G.R. ta corda e mayoria di e delitonan aki. Hues a mustra cu M.G.R. ta adicto na crack. El a bisa Hues cu e tin hopi aña ta usa droga y no tin un lugar fiho pa biba. Hues a mustra cu M.G.R. tin hopi caso riba su carchi di castigo.

ACUSADO KIER REHABILITA

Hues a bisa cu diferente biaha a pospone e caso pa haci investigacion psychiatrico. E no a haci’e pero actualmente e ta na Centro Colorado. Un empleado di Centro Colorado a bisa Hues cu M.G.R. ta 3 siman na e centro preparando pa e bay rehabilita na Santo Domingo dentro di algun siman. E empleado a bisa Hues cu M.G.R. mes kier bay rehabilita.

Hues a bisa cu psychiater a traha raport cu ta bisa cu M.G.R. tin cu bebe pilder pa su problema mental.

FISCAL

Fiscal a bisa cu e ta haya legalmente proba e malonan cu M.G.R. a haci. Fiscal ta considera M.G.R. un residivista mirando su carchi di castigo. Fiscal a bisa Hues cu e ta contento cu M.G.R. mes kier haya tratamento pa rehabilita. En total M.G.R. tabatin 111 dia sera. Fiscal a exigi 150 dia di cual 39 dia ta condicional cu e condicion cu e ta bay rehabilita y 2 aña di prueba.

Abogado mr. Frolijk ta haya cu ta un bon idea pa M.G.R. rehabilita y ta di acuerdo cu e exigencia di Fiscal. M.G.R. a bisa Hues cu door cu e no por haya trabou e tabata haci e cosnan aki. El a bisa cu el a siña cu e mester rehabilita y no kier haci mas malo.

SENTENCIA

Hues a sera tratamento di e caso y a dicta sentencia di biaha. Hues ta haya legalmente proba cu M.G.R. a horta na e lugarnan. Pa cu e castigo, Hues a bisa cu e ta tene cuenta cu e carchi di castigo y ta confirma exigencia di Fiscal. Hues ta haya cu ta mihor pa M.G.R. rehabilita cu bay sera den KIA. Hues a ordena M.G.R. pa e sigui tur e condicionnan cu e ta haya pa cumpli di Reclasering, entre otro bay rehabilita.

 

- Advertisement -

DUNA COMENTARIO

Please enter your comment!
Please enter your name here