Home Enseñanza Alumnonan di Colegio Arubano a haya sa mas di Prinsjesdag

Alumnonan di Colegio Arubano a haya sa mas di Prinsjesdag

21
0
SHARE
- Advertisement -

ORANJESTAD (AAN): Relaciona cu e ceremonianan di Prinsjesdag na Hulanda, e siman aki dos klas di Colegio Arubano a presenta Diamars riba e di tercer Diamars di September, pa un bishita na VNO, esta e representante Hulandes na Oranjestad.

Esaki ta net riba e dia di Aña Nobo Parlamentario di Hulanda, conoci como ‘Prinsjesdag’.

E alumnonan cu ta haya vak di Geschiedenis en Staatsinrichting den nan pakete, a ricibi un ‘gastcollege’ riba e tema.

Ta trata di un klas di HAVO-4 y tambe VWO-5.  Nan a scucha un presentacion encuanto Prinsjesdag, e nificacion di finanzas publico, y Reino Hulandes.

Invitado special tabata ex-Gobernador interino, Ella Tromp Yarzagaray. E alumnonan a haya como tarea pa cera grupo y usando e sistema di “pensa-comparti-intercambia” bin cu nan idea con e cooperacion dentro di Reino Hulandes mester bira aki 20 aña, y presenta esaki na Ella Tromp-Yarzagaray y e reemplazante di e director di VNO, David Abrahams.

Durante e presentacion, e alumnonan a expresa kico den nan pensamento, nan ta haya importante pa Reino Hulandes, pero cu nan tin hopi idea pa cambio den structura y e forma di coopera cu otro.

- Advertisement -

DUNA COMENTARIO

Please enter your comment!
Please enter your name here