Home Religion y Espiritualidad Anochi di musica y canto pa celebra 60 Aniversario di Misa Birgen...

Anochi di musica y canto pa celebra 60 Aniversario di Misa Birgen di Fatima

17
0
SHARE
- Advertisement -

ORANJESTAD (AAN):  Cantantenan di e bario di Dakota ta  uni pa regala, parokianonan di Misa Birgen di Fatima, Dakoteronan y e pueblo di Aruba en general, un anochi placentero presentado canticanan di diferente genero.

Esaki durante “Un Anochi di Historia y Musica” cual ta e ultimo actividad relaciona cu e di 60 aniversario di Misa Birgen di Fatima. E lo tuma luga diabierna dia 20 di september proximo na Centro di Bario y Deporte Dakota. Y lo cuminsa pa 8’or di anochi, portanan lo habri pa 7’or di anochi. Contribucion pa cu e anochi aki ta un suma chikito y carchi ta obtenibel na Huki di Buki di Misa Birgen di Fatima y cerca  miembronan di e comision.

E anochi lo inicia cu un presentacion di e historia di Misa Birgen di Fatima sigui pa e presentacion di: Ito Dania, Pastoor Jairo Maduro, Max Hassel, Juancho Ignacio, Papito Rafael, Eric Rafael, Edjean Semeleer, Magaly Sneek y Alfonso Jimenez acompaña pa J-Formation. Bar y cushina lo ta bon surti. Esnan presente lo tin chens pa gana bunita premionan como ‘door prize’.

Pastoor Jozef Pelc hunto cu e comision organizador ta invita tur parokiano, Dakotero y e pueblo di Aruba en general pa bin conoce un tiki di e historia di Misa Birgen di Fatima y disfruta di nos cantantenan di Dakota.

Esaki ta un anochi pa comparti un rato ameno cu demas parokiano y Dakoteronan den un ambiente agradabel. Como un bon parokiano y of Dakotero bo no por perde e anochi aki.

- Advertisement -

DUNA COMENTARIO

Please enter your comment!
Please enter your name here